Duteronomi 27:2 - Nobonob Baibel

² Amu deɗ ag Jodan le mataɗna, Yawe, ahilag Kayak, Nug wan madatte, ag amuppa nona amu, deɗ amuppa ag men okkai aon qappaladna, simen hakkab eleppa laaidna aɗeg!

Duteronomi 27:2 ပူးပေါင်းရင်းမြစ်များ

Job 19:24

Laa nug dahil kaya yaaknu keeke ɠagattag ainppa hak eleppa menppa hanhan daakkunu otaɗlo am ena. Ge, laa nug yaaknu keeke amuppa dahil kaya keeke hanhan daakkunu otaɗlo am ena.

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Duteronomi 11:31

Ag wan umu, Yawe, ahilag Kayak, Nug ag wan amu madatte amu, ag wan amu aon daaglagnu Jodan le imu mataɗna wana nokkulagnu hetteb. Amu haen ag wan amu aon, appa daaglag amu,

Duteronomi 26:1

Haen ag wan, Yawe, ahilag Kayak, Nug ag aulag daakkunu madatteppa nona, aon daanna, amu dimppa,

Duteronomi 27:1

Aria, Israel dilag ikki danab ag Moses ele hippaidna daanna, nug haknunab anak nai danab ah matta aum. “Ag haknunab anak nai gemu da ag madattem imu oh tutukku aɗeg!

Duteronomi 27:3

Ag anam hewona, ag ɗo imu oh amuppa yeeg! Yawe, ahilag Kayak, Nug wan madatte, wan amuam wan enanag, wan ittag ele, amuppa ee meu huana otte. Yawe, ag mamelkad aɗi dilag Kayak, Nug wan amu ag madakkunu nai anan qakkom bia ag madakku. Amunu ag le imu mataɗna, wan amuppa nowona, haen amuppa ag nai imu yeeg!

Duteronomi 27:4

Haen ag Jodan le mataɗna wana amu, ag Ebal qaukoppa men akkan qappaladna, simen hakkab eleppa laaitteg! Ag gemu, da ag haknunab anak nai attem imu bianab heig!

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Josua 4:1

Israel danab ah oh ag anam Jodan mataɗna wana malappig. ⌊Amge amu ii nak haenppa⌋ Yawe Nug Josua amegppa inam aum.

Josua 8:30

Anam daye amu, Josua nug aakku qauko Ebal appa, Yawe, Israel dilag Kayak, nug nuhig qaɗab laa buuom.

Josua 8:31

Nug Israel dilagnu ippunittak nai, Yawenu maɗi nid Moses nug Ɗo Nai Buk, Kayak Nug nai amu Moses amegppa a, Moses nug bukppa yom amu, nug nai amu antta, dim lamitta buuom. Yawe Nug inam amegppa aawo yom. “Qaɗab dahil, men ii otaɗak, amu aen qattippa men laa ii kuhak ele, amuppa buue!” Nug qaɗab he, ag qaɗab amuppa manaknu ofa, amu laippu dayaknu ofa ele Yawenu heppig.

Josua 8:32

Am Israel ag anttegeg, Josua nug Mosesnu ɗo, bukppa yom amu, nug nai amu qaɗab mak menppa yaalattom.