Duteronomi 26:8 - Nobonob Baibel

⁸ Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Duteronomi 26:8 ပူးပေါင်းရင်းမြစ်များ

Eksodas 12:37

Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Jeremaia 32:21

Na nahip ɠagattag okkaippa, na ebehin eleppa na nahipnu dabmettaknu kobol danab haknu elele iitta, amu uɗat ɠagattagnab ele henana, na Israel danab ah omalatte, ag Isip uun uɗippig. Na amu heehe, Isip danab ag eheɗ nau baɗappig.

Duteronomi 34:11

Yawe Nug Moses, Kayak dabmettaknu kobol danab haknu elele iitta, amu uɗat ɠagattagnab ele, Isip wanppa Paro, amu nuhikkud ikki danab ele, amu danab ah wan amuppan ele dilagppa heeb bekkunu me ukkom amu, Moses nug heum.

Duteronomi 34:12

Auntai laa, Moses heumbia kobol laala he, Israel danab ah anttegeg, uɗat laala danab antta, ebehi oh bodoetta le mette ele kuɗum danab ah amelagppa iinab heum. Moses nukka, nugib anam heum.

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.