Duteronomi 26:3 - Nobonob Baibel

³ Na gona, mana mettak danab aun nug haen amuppa uɗat amu hekku ele, na nug amegppa inam a! “Da gemu nai imu Yawe, nahip Kayak, Nug amegppa miagib madittem. Da wan laa, Yawe Nug ig mamenkad aɗi amelagppa, ig megakkunu nuhig nai ɠagattag qetta aum amu, da wan amuppa uɗimi daattem,” aon akkut.

Duteronomi 26:3 ပူးပေါင်းရင်းမြစ်များ

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 19:17

aria, danab amu, laa nug nuhignu, “Nug eheɗ amu heum,” aum ele amu, aa oh, mana mettak danab, amu hettoɗiak danab ele, ag oh haen amuppa uɗat amu henan daatteb amu, aa ag noolagppa, Yawe noobppa ele daapeɗ, hettoɗiak hekkulagoitte.

Duteronomi 26:2

na aun, na ee tatam oɗuttenu laala, ee amuam wan Yawe, ahilag Kayak, madakkunu hette, amuppan awak amu, na ee amu aon, kalegppa inan aon, Yawe, ahilag Kayak, Nug aben Nug onig aguppa daakkunu epeɗikku amu, na amuppa ukke!

Duteronomi 26:4

Na anam appe, mana mettak danab nug battam ee ele amu eppenppanu awa, qaɗabppa Yawe, ahilag Kayak, Nug noobppa mekku.

Hibru 10:21

Laa ele amu ig am mana mettak ikki danab onig, ɠagattag ele, Nug Kayaknu danab gumigtte

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.