Duteronomi 22:1 - Nobonob Baibel

¹ Am na mudippan layap laanu makau okkai ebehi ele, o sipsip laa oola oiyebeb anidna amu, na aib eheɗ hena uuidppe ukkom. Iitta! Na aɗan aon gona, mameg medakkut!

Duteronomi 22:1 ပူးပေါင်းရင်းမြစ်များ

Prowerb 24:11

Laa ag laa eppelagppa ⌊diig iittappa⌋ mauhkkulagnu oitteb amu, na ag ehanadppe, ag aib mauhppig! Ao, laa ag laa eppelagppa ⌊diig iittappa⌋ mauhkkulagnu daatteb amu, na ag ehanadppe, ag aib padal meppig.

Prowerb 27:10

Na layap aib daut atiom, na mamen layag ele aib daut atiom. Ao, uug naunab nahip-ppa beeb, na layap mudippan laippu, nug eheɗ doomanu na nug uun, na awan o amap uma daatte, na nug laugppa aib gome. Mudippan laippu miag daatte nug na ehanidkkunu elele; nug na baenadppa uma daatteb eɗattak ehanidkku.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Esekiel 34:16

Amu Yawe Nug atte. “Da geha laa ag padal meppig mattialadkkul; ele amu, laa ag dabmak iitta eleppa tamtam goppig daatteb amu, da eɗue omaladppi uɗiglag. Da geha laa ag guittak aoppig daatteb bappaladkkul; laa ag oɗe meppig daatteb amu, da ehanadkkul. Da anam hekkul, amge da geha sipsip laa ag eheɗ henan titiɗppig, amu laa eheɗ hakppa ebehilag ɠagattag daatteb ele heppi nauhadkkulag. Da geha dahil sipsip nai doya mala hettoɗia epeɗia elele mettak kobolppa dabmatten atognoadkkul,” awa atte.

Esekiel 34:4

Ag sipsip gai-iitta oitteb, o oɗe ele oitteb, o laa guittak aoppig oitteb amu, ag sipsip amu eɗun ena daaglagnu ii ehanadppig. Sipsip laa ag oolna, matatun gona oippig amu, ag amu eɗun ii diippig, amu sipsip laa ag aben adekkuppa qettoɗppig amu, ag gona anadna, eɗun diiglagnu ii mattialadppig. Laa amu, ag sipsip eheɗ nau hattana, guittak madappig. Eheɗ amu oh ag heegeg uɗie, gemu ele anamib hetteb.

Lewitikas 20:4

Amu ag Israel danab ah ag nid Molek mettak amu anidna, ag hamu bia doonna, nid amu mameg ii qekkulag dayeb amu,

Lewitikas 6:3

O nug laanu keeke laa qettoɗom anttowa, nug hambubukkutai, o nug gaɗappaib, keeke laanu Yawe noobppa amunu nai ɠagattag qetta akkutai, o nug hipunin laa qekkutai.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Matyu 10:6

Iitta. Ag Israel buɗub, ag am sipsip padal meppig oitteb bia oitteb amu, ahilagppa ukkeg!

Matyu 15:24

Ag anam aeg amu, Jesus Nug aum. “Israel padal meppig, amu dilagnuib Kayak Nug he, da uɗimi,” awa aum.

1 Korint 9:9

Yo, Moses nug ɗo naippa nai laa amunu yom am inam. “Na makau okkai ebehi ele ee aeg, dappunkkeg ele piɗe piɗe daaglagnu uɗat haaha, ee laabob, na aib lanak uukkunu oɗe hautna qakkame,” awa aum. Am Kayak Nug doɗ makau dilagibte dabma aum?

Duteronomi 22:2

Amu doɗ amu mameg nug na guguittak ii daatte dayeb, o doɗ amu mameg, na nug ii doottem dayeb amu, na aɗan, lakka gona guman daappe, mameg nug mattia oiyeb anidna, amu medakkut.

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.