Duteronomi 20:3 - Nobonob Baibel

³ Nug akku. “O Israel danab ah, ag daulag human doyeg! Ag gemu kekeɗ banelag gotteb. Ag aib baɗappig! Oolagppa gai-iitta aib dooppig. Ag ban henana, ag baɗak eheɗ nau dooppeg, ahilag dabmak eɗatteb, hamu laih laih aib oolppig.

Duteronomi 20:3 ပူးပေါင်းရင်းမြစ်များ

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

Job 23:16

Kayak Nug he, da ool baɗatte. Ao, Laa Nukka Ɠagattag Oh Ele Nug he, da baɗak eheɗ nau doottem.

Sam 3:6

Kekeɗ 10,000 eɗitta auta autanab awak ag da heqol laih laih ohppa taliliɗna daatteb amu, da amu dilagnu ii baɗattem.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Namba 14:9

Keeke laippu am okkainab daatte. Amuam, ag Yawe dimettan, nuhig nai aib tabappeg noum. Laa amu, ig geha danab ah wan amuppanu eɗadta autta aognig amunu, ag aib ahilagnu baɗappig. Ag am ehanittak laa iitta, amge Yawe Nug ig ele daattem. Ag ahilagnu aib baɗappig,” aoya apiɗ.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 10:31

amunu, ag aib baɗappig. Ag ai naunau kuɗum, ag amu dilag daden oh eɗadna malappig.

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Mak 16:6

Ag anam baɗan heegeg amu nid bau amu nug aum. “Ag aib baɗappig. Ag Nasaret ted Jesus, ad emaitakppa atulppig ele maditteb, amge Nug ippa ii daatte. Nug eɗua hibaittom. Ag Nug meppig aben iikkude antteg!

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Duteronomi 1:21

Yawe, ahilag Kayak, Nug aakku ag noolagppa meumde, ag antteg! Ag gona, Yawe, ag mamelkad aɗi dilag Kayak, Nug aum bia ahilagnu aweg! Ag aib baɗappig! Ag oolagppa gai-iitta aib dooppig!” ami.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Duteronomi 20:2

Ag banelag gokkulagnu daabppeg amu, mana mettak danab nug uɗia, ban daup daulag batakku.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Josua 23:10

Yawe, ahilag Kayak, Nug ag ehanadtte. Nug ahilagnu anam hekkunu nai ana qakkom amunu, ag anen anen kekeɗ 1,000 lamadtteb.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

1 Samuel 17:32

Nug nai me ukke, Dawit nug doya, Saul gumitta ukka, noobppa dayaya, amegppa aum. “Naɗi, Pilistia danab umu, nug heeb, laa aib baɗom! Da, nahip maɗi nid, da goppi, nug ele ban hekkunih,” awa aum.