Duteronomi 2:8 - Nobonob Baibel

⁸ Yawe Nug anam aum amunu, ig gotata, Esau buɗub, Seir daatteb, ig lainkad amu, ig ag qe-eɗadmut. Ig qe-eɗadta, ig ib Elat amu Esiongeber ele, aab aɗit amuppanu uɗiaknu ib, ib amu onig am Arabanu ib, ig ib amu uut, ib laa atu taɗakppa ukka, Moap wanppa gotte ele amu, ig ib amu aot gomut.

Duteronomi 2:8 ပူးပေါင်းရင်းမြစ်များ

Genesis 25:23

Oɗ mette, amu Yawe Nug aum. “Danab ameg aɗit na ootppa daattep. Ao, na menuatppe, aa appatya, ameg piɗe piɗe daaglah. Ameg laa amu, nuhig ɠagattag am laa eɗidkku. Ge, nid tatamnu am nid gehanu waappa daya, nuhig uɗat hekku.” Yawe Nug anam aum.

1 King 9:26

King Solomon nug aab Esiongeba appa nug uub kuɗum ele hattom. Aab Esiongeber am Edom wanppa aab Elat guguittak, Le Kokoɗ ihippa daatte.

2 King 14:22

Usia mameg Amasaia mauhe, Usia nug king ba daye, haen laa dimppa nug ukka, ban ha, aab Elat, kekeɗ ag amuppa daaegeg, nug eɗua awe, Judanu daye, nug eɗua babaittom.

2 King 16:6

Haen amuppa Aram dilag king Resin nug aab Elat eɗua aokkunu ban ha, nug Juda daappig amu lamatte ukkaeg, nug awom. Nug awe, Edom danab ag gona, aab amu aon daaeg uɗie, gemu ⌊nai imu yaak haenppa⌋ ele, ag appa daatteb.

Namba 21:4

Amu Israel danab ah ag Kanan wanppa gokkulagnu, ag ahan, Edom wan aiɗna wana gokkulagnu dayom amunu, ag ahan qauko onig Hor uun, ib Le Kokoɗppa gotte, ib amuppa goppig. Ag ahan ukkaeg ukkaeg, ibppa danab ah ag bahilag yom.

Namba 33:35

Ag Abrona uun, ahan gona, Esiongeber appa haen tutu dayaknu aab kalan daappig.

Duteronomi 1:1

Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Ikki Danab 11:18

Daaeg ukke ukke, ag aakku Edom, Moap ele wan aiɗna wana, atu taɗakppa goppig. Ag Moap tom kaɗag uɗitteppanu daatte amu gona gona, Arnon le laih appa, ag haen tutu dayaknu aab kalappig. Amge ag Aron le mataɗna wana, Moap iinab wappig. Aɗinu? Le Arnon, am Moapnu tom aakku.