Duteronomi 2:6 - Nobonob Baibel

⁶ Am ag eete, iitta lete laa aoglag amu, ag daden mena aoglagnu daatte,’ ” awa aum.

Duteronomi 2:6 ပူးပေါင်းရင်းမြစ်များ

Namba 20:19

Edom dilag king nug nai amu aum amunu, Moses nug Israel oh oɗelag awa, nug nai imu eɗua me, nuhigppa ukkom. “Geha ig ib manib gota, igte, iitta doɗ ihinkadte laa le laa lappeg amu, ig amunu daden mekkunig. Ig tutukkuib baenigppa gota gota, gokkunignu oonig daatte. Ig aɗitai laa hekkunignu iitta,” awa aum.

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Duteronomi 2:5

Seir wanppa, laih qauko qauko ele, amu da amu Esau buɗub, ahilag keeke daakkunu da ag mattami amunu, da wan ahilag maha nakok laa, da ag Israel, da ag iinab madapa. Amu diig amunu ele, ag Israel, ag Edom ahilagppa ban nakok laa aib heppig.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.