Duteronomi 2:4 - Nobonob Baibel

⁴ Amge na danab ah haknunab nai imu appe doyeg! ‘Ag geha ag Edom dilag wan oppatna gokkulag. Esau buɗub, ag Edom, onig laa Seir, appa daatteb. Edom ag, ag Israel ele, ag nakok tiig laippu daatteb. Ag gobeppeg amu, Edom ag geha ahilagnu baɗaglag, amge ag dabmeig!

Duteronomi 2:4 ပူးပေါင်းရင်းမြစ်များ

Genesis 25:23

Oɗ mette, amu Yawe Nug aum. “Danab ameg aɗit na ootppa daattep. Ao, na menuatppe, aa appatya, ameg piɗe piɗe daaglah. Ameg laa amu, nuhig ɠagattag am laa eɗidkku. Ge, nid tatamnu am nid gehanu waappa daya, nuhig uɗat hekku.” Yawe Nug anam aum.

Genesis 36:8

Elele iitta amunu, Esau, onig laa Edom, nug aha ukka, wan laa onig Seir, aben qauko qauko ele, amuppa dayom.

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

Duteronomi 2:3

“Ag wan qauko qauko ele imuppa elele oippig; ag eɗun, yawalti uɗitteppanu ukkeg!

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!