Duteronomi 2:14 - Nobonob Baibel

¹⁴ Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Duteronomi 2:14 ပူးပေါင်းရင်းမြစ်များ

Sam 106:26

Ag anam heeg, Yawe Nug eppeg huma, nuhig nai hekkunu ɠagattag qetta ana, Nug heeb, ag atu taɗakppa mauhkkulagnu,

Sam 90:15

Tatam ig uug mekkae, ig deɗ kuɗum uug amuppa daamut, amu haen amubiaib na heppe, ig gamag ahak doogningnu oɗ medattem. Ao, ig maɗ gane uug anam doomut amu, na heppe, gemu ig oo gamag ahak maɗ anam doognignu unuqidttem.

Sam 90:3

Aɗinu? Nahipnu amu, maɗ 1,000 am tumai ba ukka malom, am amubia daatte! Ao, maɗ amu oh am tuqan aɗi uɗitte anittak danab nug aua waɗele keeke dayaya, uɗat amu heehe, laa uɗia, nug abenab awa hette amu, maɗ amu oh am, na Kayak, nahip neekkakppa aua amubia daatte. O Kayak, na danab ah amelagppa, “Ag eɗun gappud meig!” attem; amu nai amuppa na hee, ag mauhna, eɗun gappud metteb.

Sam 90:9

Amunu, ig bau daautut, na ihinignu oppoɗi bak doon, bu megattem. Ao, ig aeqakkatta mauhttem.

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Namba 1:1

Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe Nug amegppa aum.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 32:11

Danab ah imu ag meulkad ohppa ele, ag da dim ii lamiɗppig amunu, danab oh ag maɗ 20, o iitta maɗ 20 eɗittak, ag Isipnu uɗippig ele, amu oolagppanu aɗit aakkuib, wan da ag madakkulnu ami ele, amuppa wakkulah. Danab amuam Jepune bekka Kalep, Kenis buɗubppan danab, amu Nan bekka Josua ele; aa aakkuib wan amuppa wakkulah. Auntai laa da wan amunu dahil nai ɠagattag qette, Abraham, Aisak, amu Jakop ele ag, am ag buɗulkad ele madakkulnu ami amu, ag oolagppan laa ag wan amu iinab anidmana. Kalep, Josua ele aa aakkuib wan amuppa tekkulah. Aa wan amuppa tekkulahnu diig am, aa da Yawe, aa da meulah ohppa ele dim lamiɗpiɗ.

1 Korint 10:5

Amge Kayak Nug danab ah kuɗum ag ahilag eheɗ hak nau amu andatta, amuppa Nug ahilagnu oo ena ii dayom amunu Nug he, ag atu taɗakppa mauhppig.

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 1:2

Danab ag hanhan oinna, qauko Horep uun, qauko Seir qe-eɗidna gonana, Kades Barnea gotteb ele amu, ag deɗ 11 gokkulagnu elele ⌊amge Israel danab ag Yawe oɗe tappaeg ne, haen elabnab atu taɗakppa oippig amunu⌋

Duteronomi 1:46

Amu ig Israel, ig Kades appa haen nakok elab daamut.

Duteronomi 2:13

Aakku Moses tuɗitta aum. “Ig Seretnu oolnu noakppa, Moap dilag tomppa, yau uɗitteppanu waut, amu Yawe Nug ig oolnu noak amu oppat-ta gokkunignu aum amunu, ig anam aakku hemut.

Duteronomi 2:16

Amu ban danab amu ohnab ag mauhna malaeg,

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Josua 24:7

Israel ag da, Yawe, dahilnu huana gaaeg amu, da ag Isip ele gamalagppa gatatu eppami. Amu, ag Le Kokoɗ mataɗana waeg, da hei, yu nug eɗua abenppa wana, Isip oh diie, yu lana mauhadppig. Ag Israel, ag akka amelagppanab da aɗi keeke haen amuppa Isip dilagppa hemi amu, ag aakku anidppig. Amu dimppa amu, ag atu taɗakppa haen elabnab daappig.

Josua 5:4

Josua nug amu heumnu diig am inam: Israel danab oh ag ban hekkulagnu maɗ elele daan, Isip uun uɗippig ele, ag atu taɗakppa uɗinna, ag mauhadna malappig. Danab amu, ag Isip uun uɗippig amu, ag oh gaɗa otaɗak matu aon malappig, amge ag atu taɗakppa oinna, ahilkad nid danab doppig amu, ag ag gaɗalkad ii otaɗadppig. Danab ag ban hekkulagnu maɗ elele daan, Isip uun uɗippig amu, ag Yawe oɗe ii dim lamidppig amunu, Nug ag wan laa, wan amuam wan enanag, wan ittag ele, amuppa ee meu huana otte amu, Nug ag wan amu ii anidmananu Nug onigppa nuhig nai ɠagattag qetta aum amunu, danab ag Israel atu taɗakppa maɗ 40 oinna, danab amu ag mauhegeg ukke ukke, ag oh mauhadna malaeg, ag bekkalkad aakku daappig. Wan ag mauhna, ii anidppig am Kanan wan. Yawe Nug danab ag Nug oɗe ii dim lamidppig mamelkad aɗi amelagppa wan amu ig megakkunu nuhig nai ɠagattag qetta aum. Danab amu ag Yawe oɗe ii dim lamitteg, Yawe Nug ag wan amu ii anidmananu a, ag atu taɗakppa oinna, ag, ag bekkalkad gaɗalkad ii otaɗadppig ele, bekkalkad ag aakku anam daaeg, Josua nug ag gaɗa otaɗak awaknu aakku heum. Aɗinu? Ag matu gaɗa otaɗak ii aoppig; ag mamelkad atu taɗakppa oinna, ag gaɗalkad ii otaɗadppig.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.