Duteronomi 2:13 - Nobonob Baibel

¹³ Aakku Moses tuɗitta aum. “Ig Seretnu oolnu noakppa, Moap dilag tomppa, yau uɗitteppanu waut, amu Yawe Nug ig oolnu noak amu oppat-ta gokkunignu aum amunu, ig anam aakku hemut.

Duteronomi 2:13 ပူးပေါင်းရင်းမြစ်များ

Namba 13:23

Haen ag gona, oolnu noak aben laa onig Eskol, ag appa wana amu, ag muɗi grep eppegppanu grep meu aɗa auta awak laippu laa dayom amu anidna, okkulna aoppig. Danab aɗit tuqaippa maopiɗ. Ikki danab ag ad pomigranet, amu ad fig meu laala ele tuqappig.

Namba 21:12

Aria, Israel danab ag Iye Abarim uun, ahan gona, Seret oolnu noak appa ag haen tutu dayaknu aab kalappig.

Namba 21:13

Amu ag Seret oolnu noak uun, ahan gona amu, ag Arnon le ihippa, appa haen tutu dayaknu aab kalappig. Arnon le am atu taɗakppa dayom. Arnon le am Moap danab, amu Amo danab ele gamalagppa tom dayom amunu, atu taɗak amunu laih am, Amo dilag dayom, laih am Moap dilag dayom.

Duteronomi 2:12

Anukkanab, Hor danab ag tatam Seir appa daattappig, amge Esau buɗub, ag danab amu lamadppig. Ag amu hena, hattaeg nauheg, ag wan ahilagppa daappig. Seir danab amu ag, ag Israel ag Kanan hattaeg nauheg, ahilag wanppa daappig bia, danab amu hattaeg nauheg, ag ahilag wanppa daappig. Yawe Nug Kanan wan amu Israel ahilag daakkunu mattom.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.