Duteronomi 19:3 - Nobonob Baibel

³ Wan Yawe, ahilag Kayak, Nug ag aulag daakkunu madatte amu, ag wan amu oppatppeg, maha ewam daappeg, aab okkai amunu laippu laippu wan maha amuppa daaglag. Laa nug layag ii doyaya qe mauhom, nug oola, aab amuppa ukka, ena daakkunu, ag aab ewam amuppa ukkaknu amu, ag ib hatteg!

Duteronomi 19:3 ပူးပေါင်းရင်းမြစ်များ

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Aisaia 57:14

Amu laa Nug ⌊Yawe oɗe awa, inam⌋ akku. “Ag ib babaitteg! Ag ib babaitteg! Ag dahilad danab ah eɗun, ahilag wanppa uɗiglagnu, ag ib oonaknu keeke oh heppeg iitta maɗ!” awa akku.

Aisaia 62:10

Ag Juda danab ah ag danab ah ag uɗin, Yawe binag mekkulagnu, ag Jerusalemnu ahan, dimittim gona ehanatteg! Ao, ag Juda danab ah ag danab ah ag Yawe binag mekkulagnu ag ahilag ib babaitteg! Ag men oh agappeg ukkeb! Danab ah ag Jerusalem uɗiaknu ib anidkkulagnu, ag Juda, ag pilak laa, ag amu anidna uɗiglagnu humappeg taɗ!

Duteronomi 19:2

Anam hena amu, ag wan amuppa, Yawe, ahilag Kayak, Nug ag wan amu aon, ahilag daakkunu madatte amu, amuppa, ⌊ag ii doyaya laa qe mauhomnu ehanittak⌋ aab okkai ewam epeɗiadkkulagoitte.

Duteronomi 19:4

Am aun laa nug ii doyaya laa qe mauhom, nug haen matu nuhignu, nau ninig ele laa ii doyom ele amu, nug bau daakkunu, nug oola, aab amuppa ukka, nug appa bau daakku.

Duteronomi 26:1

Haen ag wan, Yawe, ahilag Kayak, Nug ag aulag daakkunu madatteppa nona, aon daanna, amu dimppa,

Duteronomi 4:21

Amge ag beɗulagppa, Yawe Nug dahilnu oo nauhom. Nug da Jodan le mataɗe, wan ena Yawe, ahilag Kayak, Nug ag aulag daakkunu madakkunu hette ele, amuppa ii nopanu nuhig nai ɠagattag qetta aum.

Hibru 12:13

Amu ag oolagppa laa ag baelag nau autaut oitteb ele amu, ag nauhna autna aomnanu, ag eɗun ena daaglagnu, ib ag oh tappan gotteb ele, ag ib amu bappaidna autna aweg!