Duteronomi 18:3 - Nobonob Baibel

³ Danab ag mana mettak aon dotteb, amuam makau dawai laate, o sipsip laate amu, ag aɗi doɗ aon uɗitteb ele, mana mettak amunu maha laala am mana mettak danab, ag ahilagnu aɗaglag; maha amuam gukka naɗiap, akkabɗu, amu doɗ amu oo ele.

Duteronomi 18:3 ပူးပေါင်းရင်းမြစ်များ

Eksodas 29:27

Amu dimppa, haen oh Israel ag laippu dayaknu ofa hekkulag amu, ag haen oh doɗ amunu teppu maha aɗit, amuam sipsip momo, baeg naɗiapnu tuɗi ele, ag Aron, nug bekkod ele mattaglagnu, na teppu amu dahil daakkunu tituanna meɗe! Aɗinu? Na ag mana mettak danab daaglagnu baɗ awaknu sipsip dawai manan, da meɗame amu, na sipsip amunu momo, baeg naɗiapnu tuɗi ele human meɗame, amubia Israel ag momo, baeg naɗiapnu tuɗi ele aon, ag da meɗaglagnu amu, ag Aron, bekkod ele, teppu amu madappeg, teppu amuam Aron, bekkod ele, dilag dayaɗ! Hanhan anamib daakku.

Lewitikas 22:7

Haen aam noobob amu, nug eɗua Kayak ele ouqa dayaknu elele daakku. Nug anam daya, nug ofa Kayaknu tituanak daatte ele amu, nug amu lakku. Aɗinu? Amuam ahilag ee aakku.

Namba 18:11

Amu ee keeke, amuppa Israel danab ah ag huma epponitta mettaknu ofa hekkulag, laih ag ii manan meɗaglag amu, amu ele ahilag. Da na, amu na begapad, amu na aɗenad ele, ag hanhan aoglagnu, ahilag daakkunu madattem. Aun aɗi ag na lautppanu, ag da ele ouqak daagnignu elele amu, ag lakkulagnu ele.

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

Duteronomi 12:27

Ag manaknu ofa hena, ag Yawe, ahilag Kayak, ag nuhig qaɗabppa teppu, tiig ele oh manan mettaglagoitte. Aria, mana mettak hak laa amu, ag amunu tiig am, Yawe, ahilag Kayak, nuhig qaɗab daugppa gokkaɗkkulag, amge teppu amunu ag lakkulagnu elele.