Duteronomi 18:1 - Nobonob Baibel

¹ Mana mettak danab, ag ele Lewi buɗub, amu Lewi buɗub laa oh ele, ag Israel dilag huu okkai laala, ag wan ahilagnab, ag aulag daakkunu aotteb bia ii aotteb; ag aulag wan laa iitta, ag amu dabmetteg! Ag amu anam iitta amunu, ag mana mettak maha laa, ag Yawe mettaknu aab aɗunu ofa hadatteb ele amu, ag amuppanu aoglag. Keeke amuam ag aulag bia daakku.

Duteronomi 18:1 ပူးပေါင်းရင်းမြစ်များ

Duteronomi 10:9

Diig amunu Israel dilag huu okkai oolagppa, Lewi buɗub ag wan laa ag aulag daakkunu ii mattak. Yawe, ahilag Kayak, Nug anam haknu aum bia, Nug nukka am ag aulag bia daatte.

Josua 13:14

Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.

Duteronomi 12:19

Am ag ahilag wanppa daanna, ag Lewi buɗub dilag daulag atimanu, ag dabmena autna aweg!

Namba 18:20

Yawe Nug Aron amegppa anam awowa, Nug tuɗitta aum. “Israel laa ag wan da ag madattem, ag appa ag aulag daakkunu wan laa aoglag, amge ag Lewi buɗub amu, ag wan amuppa wan laa, ag aulag daakkunu ii aomna. Israel laa, ag wan ag aulag daakkunu aoglag, amge ag Lewi buɗub, ag wan laa amubia ag oolagppa ii aomna. Iitta. Da, Yawe, da ahilagnu anambia daakkul.

Josua 13:33

Nug wan amu Israel dilag huu okkai laala, ag aulag daakkunu ag mattom, amge nug Israel dilag huu okkai Lewi wan laa, ag aulag daakkunu ii mattom. Nug ag wan laa ii mattomnu diig am, Yawe, Israel dilag Kayak, Nug ag nuhig uɗat hekkulagnu, amuppa ag ee keeke, ag aulag aakku, ag amu aoglagnu nai ana qakkom.

Namba 26:62

Amu Lewi nid danab, okkai mak ahilag kalam laippu awom, o iitta amu eɗittak ele, ebqak ahilag am 23,000. Ag ebaqappig am Israel laala ele dilag ebqak ele oh ii ebaqappig. Lewi buɗub ag am wan laa, ag aulag daakkunu ii mattak amunu, ag am Israel laa oh ele ouaqa ii ebaqak.

Josua 18:7

Wan maha eblaih aɗit ele aakkuib daaglag. Aɗinu? Lewi buɗub ag geha ag oolagppa wan laa ii aomna. Aɗinu? Ag am Yawenu uɗat henana, amuppanu teppu keeke aon, amu ahilag uɗatppa keeke laala ele aoglag; amu keeke amuam ag aulag daakku. Israel dilag huu okkai laa Gad, Ruben, amu Israel dilag huu okkai Manase mahaib laa, ag matu wan, ag aulag daakkunu aoppig. Moses, Yawenu maɗi nid, nug Jodan le laih kaɗag uɗitteppanu, appa nug wan amu ag mattom,” awa aum.

Jeremaia 33:18

Anam daakku amu, anamib mana mettak danab, ag ele Lewi buɗub amu, ag da noolppa hanhan daan, manaknu ofa, ee aegnu ofa, amu doɗ laala manan meɗaglagnu ele hekkulagnu aakku daaglag. Lewi buɗub ag daanna, uɗat amu hekkulagnu ii iitta memana,’ ” awa atte.

Esekiel 44:28

Amu Naɗi Yawe Nug atte. “Da Yawe, da dakka am mana mettak danab ehanittak amunu, na ag Israel wan ooppa wan aulag daakkunu aib mattame. Da ag aulag daakkul.