Duteronomi 17:1 - Nobonob Baibel

¹ Ag makau okkai ebehi ele, o sipsip oɗe mak ele, o makau okkai ebehi ele, o sipsip ag beɗulagppa eheɗ ele, ag amu aon main, Yawe, ahilag Kayak, Nug aib medappig. Nug anamnu amu, Nug ooppa uuaknab dootte amunu, ag anam aib heppig.

Duteronomi 17:1 ပူးပေါင်းရင်းမြစ်များ

Genesis 41:19

Makau amu ag beeg, makau eblaih aɗit laa ele beppig. Ag am beɗulag nakok, ena iitta, ebehilkad tak nau. Genab! Da deɗ laa makau amubia Isip wanppa ii anidmi.

Eksodas 12:5

Amu ag anen anen doɗ sipsip gaiɗ laa, o meeme dawai laa, maɗ laippu awak ele, ag amu laa tituaneg! Ag doɗ sipsip, o meeme nug beɗu enaib daatte tituaneg! Laa nug beɗu ihi mettak ele, o nug eppeg baeg keeke kaliak ele, o beɗuppa uug aɗi laa daatte ele amu, ag doɗ amubia aib aoppig.

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 20:10

Uug doyaknu keeke skelppa uɗat mattak pehettak iitta, aria elab doyaknu melemel pehettak iitta; keeke aɗit amu ohnu Yawe Nug ooppa uuaknab dootte.

Prowerb 6:16

Am keeke eblaih laippu ele, Yawe Nug amunu nau ninig ele dootte. Ge, Yawe Nug keeke eblaih aɗit elenu ooppa uuaknab dootte.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Malakai 1:8

Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Namba 29:8

Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele aon, Yawe gumidna wana, Nug mettaglag. Amuam manaknu ofa aakku.

Duteronomi 15:21

Amge doɗ tatam amu, ag beɗulagppa eheɗ laa daakku dayeb, amuam baeg nau autaut oiyakte, ameg gaɗuakte, o iitta ag beɗulagppa eheɗ laa ele dayeb amu, diig amunu ag Yawe, ahilag Kayak, ag nuhignu aib mana mettak heppig.

Duteronomi 23:18

Yawe, ahilag Kayak, Nug ib baag ah, ib baag danab ele, Nug ahilagnu am ooppa uuaknab dootte amunu, danab o ah amunu laa ib baag kobol hakppa men doɗo awa medakku dayeb, na men doɗo amu aon, Yawe, ahilag Kayak, Nug laugppa gona, Yawe keeke genab medakkutnu nahip nai anan ɠagattag qettan ame ele, na amu Yawe men doɗo amuppa medakkutnu aib meme.

Duteronomi 24:4

gamu tatamnu nug ah amu, Kayaknu neekkakppa nug ooppa dubuttid tak ele daatte, nug Kayak ele ouqa dayaknu elele iitta beum daye, eɗua ii aoma. Aɗinu? Yawe Nug amunu ooppa uuaknab dootte. Ag heppeg, Yawe, ahilag Kayak, Nug wan ag aulag daakkunu madakkunu hette ele amu, wan amu dubuttid ele daakkunu aib heppig.

Duteronomi 25:16

Aɗinu? Aun aɗi ag kobol hambuppuakppa keekenu okkai melemel eheɗppa, o keekenu uug skel nauppa anttaknu hetteb amu Yawe, ahilag Kayak, Nug amu dilagnu ooppa uuaknab dootte.

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.