Duteronomi 16:4 - Nobonob Baibel

⁴ Am Israel wan ohppa, deɗ eblaih aɗit ele amu oh, ag laulkadppa yis laa ii daakkuoitte. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Duteronomi 16:4 ပူးပေါင်းရင်းမြစ်များ

Eksodas 12:10

Ag doɗ teppu laih laa uuppeg dayeb, wagɗeb lakkulagnu aib heppig. Am doɗ teppu huppu laa dayeb, wagkkaɗeb amu, ag aab aɗuppa maippeg ewa iitta maɗ!

Eksodas 12:15

Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Eksodas 12:6

Ag doɗ amu deɗ 10ppa tituanadna, ag ena atognoadppeppeg, kalam amunu deɗ 14ppa tuebnab amu, ag Israel oh baelkadppa anen anen, ag doɗ ahilkad baalag otaɗkkulag.

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Eksodas 13:7

Deɗ eblaih aɗit ele amuppa amu, ag bret yis iitta aakkuib lakkulag! Ag yis, aria bret yis ele amu, ag amu aib uuppeg, ahilag aabppa, o wanppa dayom.

Eksodas 23:18

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Laa amu, ag da dabmeɗanna qagmak gamag ahak ele henana, ag doɗ main, da meɗatteb amu, ag doɗ amu ittag meppeg dayebeb, butti buttua aib meɗappig. Iitta. Ag gemu main meɗeg!

Eksodas 34:25

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Matyu 13:33

Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.

Duteronomi 16:5

Ag aab naunau, Yawe, ahilag Kayak, Nug ag madakkun hette amu, ag amuppa Pasowa Hobulnu sipsip ii lakkulagoitte.