Duteronomi 16:3 - Nobonob Baibel

³ Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Duteronomi 16:3 ပူးပေါင်းရင်းမြစ်များ

1 King 22:27

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

Sam 102:9

Dahilad kekeɗ ag amu hettebnu diig am ⌊da naunab daattem⌋. Da uhuɗ ee dahil bia lattem. Da amel leb naana, dahil le ougppa no lattem.

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Eksodas 12:11

Haen ag doɗ amu lakkulagnu henana, ag inam hekkulag. Ag lamen imualgppa qakkan, baelag gaɗa mena, dudqak hokkat aon aɗaglag. Ag ee amu paha lakkulag. Ee amuam da Yawe, da ag tippalatte gomi, deɗ amu ippunadkkunu daatte.

Eksodas 12:17

Da gemu, deɗ imuppanab ag omaladppi, ag wan imu uun gokkulag amunu, ag amu dabmekkulagnu ag Bret Yis Iitta Lanaknu Hobul Nakok imu gamag ahak ele hekkulag. Ag haen oh, buɗub buɗub doobob, maɗ anen anenppa hekkulag; ag aib tippalppig!

Eksodas 12:39

Israel ag ⌊Isip wanppa daappigppa⌋ plaua keeke ele kabolippig, amge ag yis ii mena, ahan goppig amunu, ag gonana, ag amuppa bret batappatak yis iitta maippig. Isip danab ag Israel gokkulagnu tappaɗadppig, Israel ag nakok laa ele daan, keeke bappaidkkulagnu elele iitta amunu, ag plaua kaboliak amuppa yis ii meppig; ag diig amunu ele, ee ahilag laa bappaidkkulagnu elele iitta.

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Eksodas 34:18

Ag Bret Yis Iitta Lanaknu Hobul Nakok aib daulag atiom; ag gamag ahak ele heig! Ag henana, haknunab nai deɗ amunu oh da mattami amu, ag amu dim lamitteg! Ag kalam Abibppa Isip uuppig amunu, maɗ ohppa, kalam amuppa, da amibia, ag bret yis iitta deɗ eblaih aɗit ele laig!

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Lewitikas 23:6

Amu Pasowanu Hobul dayak malak amu, Bret Yis Iitta Lanaknu Hobul Nakok haen aakku kalam amunu deɗ 15ppa digmette. Yawe dabmettaknu hobul dayak haen amu, deɗ tuɗid ele dayeb ukkeb, deɗ eblaih aɗit ele aokku, haen amu ohppa ag bret yis iitta lakkulagoitte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Namba 28:17

Aria, deɗ dim lamittak, kalam amu ooppa, deɗ 15ppa, ag qagmak gamag ahak ele hekkulag. Qagmak gamag ahak ele amuppa ag bret yis iitta lakkulag. Qagmak gamag ahak ele amu digma beeb amu, ag deɗ eblaih aɗit ele qagmak amu daakku amu, ag deɗ amu oh, ag bret yis iitta aakkuib lakkulag.

Namba 9:11

Aun aɗi ag mauhak laate aɗappig, iitta laihte gona, eɗun ii uɗippig dayeb amu, ag Pasowanu Hobul daan hekkulagnu amu dimppa, kalam tatamnu uueb, kalam amu dim lamidtte ele, kalam amunu deɗ 14ppa tuebnab hekkulag. Ag sipsip lanana, bret yis iitta, amu keh mua ele amu lakkulag.

Luk 22:19

Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.

Duteronomi 16:2

Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

Josua 4:7

Oɗ madappeg amu, ag inam appeg dooglag. ‘Yawenu Tituanak Nainu Kunup kontrak inak ele amu, kunup amu ukka, le daugppa dayeye, Yawe Nug he, Jodan leppa tak imuagppa, attan amuppanu le nekkunu ii heehe, kunup dayomppanu le ippu imuagppa, uppa qagmeum. Haen kunup amu Jodan le mataɗom amu, Yawe he, Jodan le amu otaɗe, nak iittanu eɗua le ibuppa nakok attan titiɗom. Anam beum amu, men amu Israel danab ah ag haen oh amunu dabmekkulagnu at daatte.’ Ag anam aon akkulag.” Josua nug ag amegppa anam aum.