Duteronomi 16:2 - Nobonob Baibel

² Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.

Duteronomi 16:2 ပူးပေါင်းရင်းမြစ်များ

2 King 23:21

Dimppa King Josaia nug nai inam me, danab ah dilagppa ukkom. “Nug tituana nai qakkaknu bukppa nai daatte amu, amubia ag Yawe, ahilag Kayak, ag Nug binag mekkulagnu Pasowanu Hobul gamag ahak ele heig!” ⌊Nug nai amu me ukke, danab ah doon, aria ag king aumbia heppig.⌋

2 Stori 35:7

Amu Josaia nug Israel danab ah daappig, ag Lewi buɗub iitta amu, ag Pasowanu mana mettak hekkulagnu, nug sipsip, meeme ele 30,000 mattom. Nug makau 3,000 ele mattom. Doɗ amu oh kingnu doɗppan awak.

Namba 9:2

“Na heppe, Israel ag Pasowanu Hobul heig! Ag haen da amippa hekkulag.

Matyu 26:17

Aria, Bret Yis Iitta Lanaknu Hobul Nakok deɗ tatamnu ne, Jesusnu ippunittak awak danab ag dona, Jesus oɗ medappig. “Na Pasowanu ee lakkutnu amu, ig amunu adeppa bappaidkkunignu oot daatte?” aon oɗ medappig.

Matyu 26:2

“Ag dootteb, deɗ aɗit uueb, Pasowanu Hobulnu ee lanaknu haen ana bekku amu ag Danab Bekkalag da kekeɗ eppelagppa meiɗna, ag ad emaitakppa atuliɗkkulag,” awa aum.

Mak 14:12

Aria, Bret Yis Iitta Lanaknu Hobul Nakok deɗ tatamnu ne, deɗ amu Juda danab ag Pasowa Hobulnu sipsip nakkud aqadttappig ele, deɗ amuppa Jesusnu ippunittak awak danab ag dona, Jesus oɗ medappig. “Na Pasowanu ee lakkutnu amu, ig amunu adeppa bappaidkkunignu oot daatte,” aon appig.

Luk 22:15

Daanna, Nug amelagppa aum. “Da ag ele Pasowa ee imu tatam lakkunignu ool huanak daye, iikku daattem. Aria dimppa da guittak maokkul.

Luk 22:8

Amu deɗ amu be, Jesus Nug Pita, Jon ele amelahppa aum. “Aa goya, Pasowanu ee ihinig bappaidpeɗ, ig lakkunig,” awa aum.

1 Korint 5:7

Ag yis amu buɗippeg ukkaɗ! Ag anam heppeg iitta meeb, ag bret yis iitta, ag daaglagnu daatteb bia, ag anam bia dayeg! Aɗinu? Kristus Nug Pasowa Hobulnu sipsip nag ihinig, Nug nuhig mauhakppa aakku ihinig hipuninnu nob nau awa malom.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:14

Am ag mana mettak hekkulagnu amu, ag aben Yawe, Nug ahilag huu okkai laa ooppa aben Nug epeɗikku ele, ag amuppaib hekkulagnu daatte. Aben amuppa ag manaknu ofa henana, ag keeke oh haknunab anak da attem amu hekkulagoitte.

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Duteronomi 12:26

Yawe Nug aben tituana ab, ag amuppa ag keeke Kayaknu tituanna medappig, ag ahilag nai genab ana qakkaknu ofa ele, ag amu oh aon, appa wakkulag.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Duteronomi 15:20

Iitta. Ag baelkadppa ele, ag doɗ amu Yawe, ahilag Kayak, ag Nug noobppa, maɗ anen anen oh aben Nug epeɗikku, ag amuppa daanna lakkulagoitte.

Duteronomi 16:1

Amu kalam Abibppa, Yawe, ahilag Kayak, Nug tuqanppa ag Isipnu diia, omalatte uɗippig amunu, ag Israel danab ah, ag kalam amu dabmena, ag kalam amuppa Yawe binag mekkulagnu Pasowanu Hobul gamag ahak ele hekkulagoitte.

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.