Duteronomi 14:3 - Nobonob Baibel

³ Ag ee laa, Yawe Nug amunu ooppa uuaknab dootte amu, ag amu ii lakkulagoitte.

Duteronomi 14:3 ပူးပေါင်းရင်းမြစ်များ

Genesis 7:2

Na doɗ iɗu iɗu oh mana mettaknu elele amu, anig eblaih aɗit ele, dawai eblaih aɗit ele diiadna, uub ooppa maatte! Doɗ iɗu iɗu oh mana mettaknu elele iitta amu, anig laippu, dawai laippu ele diiadna maatte!

Aisaia 65:4

Danab ah amu ag matmatppa danab boumattak oolagppa daatteb. Ao, ag tuqan danab ah mauhppig ele ag nai madippeg dooglagnu dabmattanna daatteb. Da ag bo teppu, doɗ laala ele ii lamananu ami, amge ag bo teppu lanana, ag doɗ laala, doɗ amu ag lamananu aib ami ele, ag amu tebuppa lewa hena, lanan daatteb.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Lewitikas 11:2

“Aa Israel danab ah amelagppa nai imu apeɗ doyeg!” awa aum. ⌊Nug anam a amu, Moses, Aron ele aa Israel danab ah amelagppa inam apiɗ.⌋ “Doɗ wanppa bau daatteb, amu laa ag lanaknu epeɗiak daatteb. Laa am iitta.

Lewitikas 11:43

Ag lauɗadna, Kayaknu neekkakppa dubuttid tak ele daaglagnu aib heppig. Ag lauɗadkkulag amu, ag Kayak ele ouqa dayaknu elele iitta daaglag. Ag aib anam heppig.

Lewitikas 20:25

Diig amunu, ag doɗ lanaknu epeɗiak daatte, amu doɗ ii lanaknu epeɗiak daatte, amu ai lanaknu epeɗiak daatte, ai ii lanaknu epeɗiak daatte ele amu, ag tutukku epeɗin anidkkulag. Ag doɗ laa, o ai laa, o doɗ naunau ag oolag wan qeeqe oitteb ele laa, da ag ii lamananu ami amu, ag iinab lamana. Ag lakkulag dayeb amu, ag akka ag heppeg, dahil neekkakppa ag dubuttid tak ele daaglag.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

1 Korint 10:28

Amge danab laa nug ag amelagppa, “Ag doɗ teppu imu main kayak hambuppuak medappig,” ab, aria danab nug amelagppa aum amu, ag nuhig ooppan oiyak ippunittaknu ulum dabmena, doɗ amu aib lappig.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.