Duteronomi 13:7 - Nobonob Baibel

⁷ Kayak amuam danab ag wan amuppa talilidna daaglag, laa ag guguittak daaglag, laa uma daaglag, am amu dilag kayak.

Duteronomi 13:7 ပူးပေါင်းရင်းမြစ်များ

2 Stori 22:3

Ahasia anig nug Ahasia eheɗ hekkunu ɠagattag qettom amunu, Ahasia nug kobol nau Ahap, nug baekkudppa ele heppig, nug amu dim lamittatta, nug Yawenu neekkakppa eheɗ heum.

Jeremaia 44:15

Jeremaia nug nai amu doya, danab ah amelagppa a, Juda danab ah kuɗum Isip ooppa aben laa yau uɗitteppanu daatte, ag aben amuppa daaegeg, laa ag Isip ooppa aben laa yawalti uɗitteppanu daatte, ag aben aɗit amuppa daappig, amu ag oh haen amuppa uɗin daanna, Jeremaianu nai dooppig. Ag daappig ele, ag oolagppa danab laa ag ahilkad ah ag kalu danab ile muttuɗig enanag bette manadna, kayak hambuppuak mattaegeg dooppig amu, ag, ahilkad ah ele, amu danab ah laa oh ele ag Jeremaianu nai doon, ag nug amegppa appig.

Namba 25:4

Israel ag anam heegeg, Yawe Nug ahilagnu oo huanak nauhe, Nug Moses amegppa aum. “Danab aun aɗi ag Peornu hambuppuak kayak Bal noobppa dup nona binag meppig ele amu, na amu dilag ikki danab oh diin aqappe mauheg! Aqan, danab ah oh anadkkulagnu gaɗalkad amu miagib amahlakppa, da Yawe, da noolppa aihatteg! Na anam heppe amu, da, Yawe, dahil oo nauhak huanaknab ele am iitta meeb, amu geha da Israel oh ii hadappi nauhmana,” awa aum.

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Duteronomi 13:8

Amu laa nug uɗia, anam akku dayeb, na aib nuhig dabmak dim lamidna anam heme. Na aib oɗe doome. Am nuhignu oo gai-iitta doya oo metta ehanittak kobol ele aib heme. Nuhig guppiɗ aib daame. Nug mauhmanu aib ehanidme.

Duteronomi 6:14

Am ag danab ah, ag ag taliliattak daatteb amu, ag amu dilag kayak noolagppa aib dup nona binalag meppig.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.