Duteronomi 10:8 - Nobonob Baibel

⁸ Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Duteronomi 10:8 ပူးပေါင်းရင်းမြစ်များ

1 King 8:6

Ag anam henan uɗin, mana mettak danab ag Yawenu Tituanak Nainu Kunup kontrak inak ele maon, Yawenu mettid lag ooppa Oo Gunnab Eleppa, nuhig aben aguppa daakkunu babaittak dayom ele, ag amuppa nona, meeg dayom. Engel okkai-kerubim dottog aɗit haulah tikkaɗe daaeheh, haulah waappa meppig.

1 Stori 15:2

Nug amu oh ha malowa, nug aum. “Yawe Nug Lewi buɗub aakkuib ag haen oh Kayaknu Tituanak Nainu Kunup maoglagnu, agib Nug noobppa nuhig ɗo maɗoɗnu uɗat hekkulagnu tituanattom amunu, ag Yawenu Tituanak Nainu Kunup maoglagoitte. Laa iinab maomna,” awa aum.

1 Stori 15:26

Ag ahan gona, Lewi buɗub ag Yawenu Tituanak Nainu Kunup kontrak inak ele maoegeg, Kayak ehanatte, ⌊laa Usa mauhom bia ii mauhom⌋ amunu, ag makau dawai eblaih aɗit ele, sipsip dawai eblaih aɗit ele, ag doɗ amu oh manadna, Yawe medappig.

1 Stori 23:13

Amram bekoɗ am Aron, Moses ele. Yawe Nug Aron, nug buɗub ele ag hanhan keeke Yawenu tituanaknab daatteb ele Yawenu tituana mettak daaglagnu, ag doɗ keeke manan, Yawe mettaglagnu, ag Yawenu ɗo maɗoɗnu uɗat hekkulagnu, amu ag hanhan Yawe onig aon, itittak ena danab ah mattaglagnu tituanattom.

1 Stori 23:26

Lewi buɗub ag gemu mettid haknu peh lag, keeke ag lag amuppa uɗat hetteb ele baula maon, laih laih ii gomana. ⌊Anam iitta amunu ag uɗat laa imu aoglag,⌋” awa aum.

2 Stori 29:11

O Lewi buɗub, da bekkalad, Yawe Nug ag Nug noobppa daanna, ag Nug waappa daan, Nug oɗe dim lamidkkulagnu, ag nuhig ehanittak danab ah mattaglagnu, ag kalu danab ile muttuɗig enanag bette ele main, Nug mettaglagnu tituanattom amunu, gemu ag hamu aib daappig,” awa aum.

2 Stori 30:27

Amu Lewi buɗubppan mana mettak danab ag ahan, danab ah itittak ena mattaglagnu heppig. Ag anam heeg, Kayak Nug hab attan, nuhig dayak aben oppiaawak eleppa dayeye, ag danab ah amu itattegeg, Kayak Nug itattak amu doya, ⌊itittak ena ag mattom⌋.

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 134:2

Genab, ag nuhig mettid lagppa ag eppelag humana, Yawe binag meig!

Sam 135:2

Ag aun aɗi ag Yawe laugppa nuhig ɗo maɗoɗnu uɗat hetteb ele, ag Nug binag meig! Ao, ag aun aɗi ag Kayak laugnu haɗap-ppa uɗat hetteb ele, ag Nug binag meig!

Jeremaia 15:19

Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

Esekiel 44:11

Lewi buɗub amu ag mettid lag dahilppa dahil ɗo maɗoɗnu uɗat laala hekkulag; am ag lagnu odppa daanna, appa uɗat hekkulag, ag doɗ laala danab ah ag manaknu ofa aon uɗiglag, o doɗ adekku laa danab ah ag main meɗaglagnu aon uɗiglag amu, Lewi buɗub ag doɗ amu baalag otaɗadkkulag, ag danab ah noolagppa daanna, ehanittak aɗi aɗi hekkulagnu daakku am hekkulag,

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Lewitikas 8:9

Nug amu hewowa, nug igippan lamen Aron igippa ma, Yawe Nug Aron tituanom ippunadkkunu at laa golppa hak, amuam Yawenu tituanak daatte amu, nug amu lamen amu noobppa, Yawe Nug anam haknunab aum bianab meum.

Lewitikas 9:22

Amu dimppa Aron nug danab ah dilagppa eppeg huma itattom. Aria, ib etta hipunin haknu ofa, manaknu ofa, amu laippu dayaknu ofa ele hak dimppa, nug qaɗabppanu honap neum.

Namba 3:31

Kohat buɗubppan aab ikki, ag Tituanak Nainu Kunup, balal mettid haknu peh lag ooppa dayom, amu lam maattaknu balal, qaɗab oh, amu keeke mana mettak danab ag Yawenu ɗo maɗoɗnu uɗat hekkulagnu uɗat madappig, amu lamen Aben Gunnab Ele hautaknu dayom ele, ag keeke amu oh dabmettaglagnu daadttappig.

Namba 3:6

“Na Israel dilag huu okkai Lewi, na ag diin, mana mettak danab Aron gumidna dona, ag aguppa maadppe daappeg, na ag nuhig ehanittak daaglagnu tituanadkkut.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Rom 12:7

Aria, danab laa nug nuhig ehah am laikkud laa ehanattaknu daatte dayeb, nug laikkud laa ehanattak uɗat genab haɗ! Danab laa nug nuhig ehah am laikkud keeke ippuanattaknu daatte dayeb, nug ippuanattak uɗat tutukku haɗ!

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Duteronomi 17:12

Ag aun laa nug enaen ma, nug epeɗiak danab, o mana mettak danab ag Yawe, ahilag Kayak, ag Nug noobppa nuhig ɗo maɗoɗnu uɗat hetteb ele amu, nug amu dilagnu ag am keeke hamunab dookku amu, ag nug qeppeg mauhkkuoitte. Kobol nau ag Israel, ag oolagppa daamanu, ag heppeg, aib dayom!

Duteronomi 18:5

Ag amu hekkulagnu diig am, Yawe, ahilag Kayak, Nug Israel dilag huu okkai laa oh oolagppan Lewi buɗub ag hanhan, Yawenu ɗo maɗoɗnu uɗat Nug onigppa hekkulagnu tituanattom.

Duteronomi 21:3

Anam hena, aab atten am gaɗa amuppanu miag daatte doon amu, ag inam hekkulag. Ag heppeg, aab amuppan ikki danab ag makau balat, makau mameg nug uɗat laa ii mettom, nug makau amu keeke eeɗkkunu doɗnu duugppan tuqai duugppa ele ii qakkom amu, ag amu laa anidna epeɗiglagoitte.

Duteronomi 21:5

Mana mettak danab, ag Lewi buɗub daatteb amu, ag ele appa gokkulag. Aɗinu? Yawe, ahilag Kayak, Nug ag nuhig ɗo maɗoɗnu uɗat Nug onigppa hekkulagnu, ag Nug onigppa danab ah itadkkulagnu, ag am haen nai beeb, aun nug genab atte, o aun nug eheɗ heum, o nug qak daye aun eheɗ heum, ag amu hettoɗin akkulagnu otiattom.

Duteronomi 31:9

Moses nug ɗo imu ya, mana mettak danab ag Yawenu Tituanak Nainu Kunup kontrak inak ele maoppig, amu Israel dilag ikki danab ele mattom. Mana mettak danab ag Lewi buɗub.