Duteronomi 10:5 - Nobonob Baibel

⁵ Amu ha male, da nein, tituanak nai yaak men maha aɗitppa daatte amu, da Tituanak Nainu Kunup ooppa inami. Yawe Nug anam haknunab aum bianab da Tituanak Nainu Kunup amu hemi. Men maha aɗit amu aa kunup ooppa aakku daattep.

Duteronomi 10:5 ပူးပေါင်းရင်းမြစ်များ

Eksodas 25:16

Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!

Eksodas 25:21

Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ!

Eksodas 32:15

Aria, Moses nug eɗua aha, qaukoppanu noawa, nug men maha aɗit Kayak Nug amuppa ɗo yom ele, nug amu eppegppa aɗalata noum. Kayak Nug men aɗit amu heqolah laih laih ohppa ɗo nai yom.

Eksodas 34:28

Amu Moses nug Yawe ele qaukoppa deɗ 40 daayya, tuqan 40 ele daapiɗ. Moses nug appa anam dayaya, nug ee laa ii laum, le ele ii laum. Am Yawe Nug men maha aɗit, Moses awa teum ele, Nug amuppa nug tituana nai qakkak heppig, Nug amunu nai yom. Nai amuam Yawenu ɗo 10.

Eksodas 34:29

Aria, haen Moses nug qauko Sinai uua, nug men maha aɗit ɗo nai yaak niitte mawa noa, nug Yawe ele nai madipiɗ, diig amunu nug iɗu huanak amahlom, nug amu ii doyom.

Eksodas 40:20

Aria, amu dimppa Moses nug men maha aɗit, Yawe Nug amuppa ɗo nai yom amu, nug amu awa, Tituanak Nainu Kunup ooppa ina, nug tuqai aɗit awa, Tituanak Nainu Kunup, amunu ring aɗit heqo laih laih amuppa aɗate waeh, nug kunup ameg kunup attan meum. Ameg amuam eheɗ haknu nob nau tiigppa iitta me elele medatte ippunadtte.

Duteronomi 10:2

Na beppe amu, da nai tatam yaak, na aoɗatme ele, da amuib amuppa eɗue yen otaɗppi, men maha amu kunup adppa hak amu ooppa inakkut,” awa aum.

Duteronomi 9:15

Yawe Nug da amelppa anam aum amunu, da eppelppa men maha aɗit nug tituana nai qakkak amuppa yaak dayom amu aɗalate, da eɗuen, qauko aab ewomppanu nemi.

Josua 4:9

Ag men amu maon gona maatteg, Josua nug qappalattom. Men amuam Jodan le gamagppanu, aben mana mettak danab ag Tituanak Nainu Kunup kontrak inak ele amu, ag kunup amu maon hippaidppigppanu awak. Amu men amu ag daaeg uɗie, gemu ⌊nai imu yaak haenppa⌋ ele daatteb.