Duteronomi 10:12 - Nobonob Baibel

¹² Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 10:12 ပူးပေါင်းရင်းမြစ်များ

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

2 King 10:31

Amge Jehu nug Yawe, Israel dilag Kayak, nug nuhig ɗo oh, nug meu ohppa ii dim lamittom. Iitta. Nug Jeroboam hipunin hatta he, Israel danab ah ele ag hipunin amu hadappig amu, nug hipunin amu hekkunu ii uua di-ii-mettom.

2 King 18:3

Hesekaia nug Yawenu neekkakppa kobol genab tutukku ele dim lamittom; nug alag Dawit heum bia, nug heum.

2 King 18:6

Hesekaia nug Yawe ouqa dayaya, nug haen oh Yawe iinab uuom. Iitta. Yawe nuhig ɗo nai Moses mettom amu, Hesekaia nug amu oh nug tutukku dim lamittom.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 15:12

Ag amu henana, ag Yawe, Nug ag mamelkad aɗi dilag Kayak, ag Nug anidna dim lamidkkulagnu ag meulag ohppa Nug mattiglagnu, ag Nug ele nug tituanna nai qagappig.

Job 36:11

Nug anam he, ag Nug waappa daan, Nug oɗe dim lamidna hetteb dayeb amu, ag haen amuppa eɗun, bau dayak laa oh ahilagppa daatte amu, ag haen amu oh ena daatteb. Ao, ag ahilag maɗ laa oh daatteb amu, ag maɗ amu ohppa ag maɗoɗ ele daatteb.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 18:1

“Yawe, na am dahil ɠagattag, da nahipnu ool mauhtte.

Sam 34:9

Aun aɗi ag Yawenu ebehilag oh bodoetta le mette ele, ag tutu makppa ii daatteb amunu, ag danab ah ag Yawenu oo metta ii uuak kobol dim lamidtteb ele, ag nuhignu ebehilag oh bodoetta le maɗ!

Sam 81:13

Amge O gadon! Danab ah dahilad ag genab da dooiɗlob! Ao, Israel ag da ippul dim lamiɗlob,

Sam 81:14

amu da pahanab ag ehanatte, ahilkad kekeɗ eɗadlom! Gede, da pahanab ahilkad kekeɗ banelag ele golom.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Sepanaia 3:9

Aɗinu? Da amu hewoya, wan atu ohppan danab ah ag da Yawe, ag da unuqilkkulagnu, ag oh laippu daan, ag da waalppa daan, da oɗel dim lamidkkulagnu, da heppi, ag amu hekkulagnu elele daaglag.

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Luk 10:27

Jesus anam a, Nug oɗeppa awa aum. “ ‘Na Naɗi, nahip Kayak, na nuhignu, na meut ohppa, na oot ohppa, nahip ɠagattag ohppa, amu nahip dabmak ohppa ele oot mauhaɗ!’ Amu laa am, ‘Na nakka nahipnu oot mauhtte, amubia na laipad dilagnu ele oot mauhaɗ!’ ” awa aum.

Luk 11:42

Amge o gadonnab gadon ɗo gumak danab-Parasia, ag dabmeig! Ag dattanu keh naunau amu oh oppateg, ameg eblaih tanig ele neeg, ameg laippu ag Kayak medatteb, amge ag nai doya mala hettoɗia epeɗia elele mettak kobol, Kayaknu oo mauhak kobol ele ii dim lamidna oitteb. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Duteronomi 10:11

Amu Yawe Nug da amelppa aum. “Danab ah imu ag wan da ag mamelkad aɗi madakkulnu dahil nai ɠagattag qette ami amu, ag amuppa nona aoppeg, ahilag dayeb daaglagnu, na anuqna gona omaladppe ukkeg!” awa aum.

Duteronomi 10:13

Ag amu henana, ag Yawenu nai haknunab anak, amu ɗo laa oh ele, gemu da ag madattem imu, ag amu dim lamidkkulag. Ag nuhig haknunab anak, nuhig ɗo ele dim lamidkkulag amu, ag ehanittak ena aoglag.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Duteronomi 26:16

Gemu amu Yawe, ahilag Kayak, Nug ɗo digdig imu dim lamidkkulagnu atte. Ag meulag ohppa, oolag ohppa ele dim lamidkkulagoitte.

Duteronomi 27:10

amunu, ag Yawe, ahilag Kayak, ag Nug oɗe doon, ag haknunab anak nai, amu ɗo ele, da gemu ag madattem imu aɗeg!” awa aum.

Duteronomi 30:16

Da gemu ag Yawe, ahilag Kayak, ag nuhignu oo mauhak doon, ag Nug oɗe, nuhig haknunab anak, nuhig ɗo oh ele dim lamidkkulagnunab ag amelagppa attem. Ag amu hekkulag dayeb amu, ag bau daanna, appatnana, ena daaglag. Laa amu, ag amu hekkulag dayeb, Yawe, ahilag Kayak, Nug wan ag aoglagnu daatteb amu, Nug wan amuppa ag itadkku.

Duteronomi 30:20

Ag Yawe, ahilag Kayak, ag nuhignu oo mauhak doon, ag Nug oɗe dim lamidna, Nug hanhan guguittak daaglagnu tituaneg! Aɗinu? Nug am ahilag bau dayaknu diig. Ag anam hekkulag dayeb amu, ag haen elabnab ahilag wanppa daaglag. Yawe Nug wan amu ag mamelkad aɗi, Abraham, Aisak amu Jakop ele, Nug ag wan amu madakkunu nai ɠagattag qetta aum.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Duteronomi 6:24

Anam daye, Yawe, ihinig Kayak, Nug ig nuhig ɗo imu oh dim lamidkkunignu, ig nuhignu ebehinig oh bodoetta le mekkunu, Nug ig ɗo mekkom. Ig amu hekkunig dayeb amu, Nug heeb, ig bau daat, ig gemu ena daattem bia haen oh ena daagnig.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Josua 22:5

Ag gona, appa daaglag, amge ag dabmettan autnanab aonna, ag Yawenu maɗi nid Moses, nug haknunab anak, ɗo ele ag mattom amu, ag amu tutukku dim lamitteg! Amuam ag Yawe, ahilag Kayak, ag nuhignu oolag mauheb, ag nuhig kobol oh dim lamidna oinna, nuhig haknunab anak oh ele dim lamidnan, ag Nugib waappa daaglagnu Nug ouqak ele daan, amu ag meulag ohppa, oolag ohppa ele Nug waappa daan, Nug oɗe dim lamitteg!” awa aum.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

1 Jon 2:15

Ag wan imuppan kobol amu keeke laa wanppa niitte ele, ag amunu oolag aib mauhom. Laa nug wanppan keekenu oo mauhtte amu, nug Mamenu oo ii mauhtte.

1 Jon 5:5

Aun nug wanppanu kobol nau eɗidtte? Danab nug Jesus Nug am Kayak Bekka, nug amunu ooppa genab dootte ele, nug aakkuib wanppanu kobol nau eɗidtte.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!