Duteronomi 1:4 - Nobonob Baibel

⁴ Nai imu amu, nug Amo dilag king Sihon, Basan dilag king Og, ⌊amu ahilti daup ele⌋ aqattowa, nug nai imu mattiom. Sihon nug Hesbon appa dayaya, Amo danab ah gumattette, Og nug Astarot dayaya, Basan danab ah gumattom. Moses nug Edrei appa Og he nauhom.

Duteronomi 1:4 ပူးပေါင်းရင်းမြစ်များ

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

Nehemaia 9:22

Na ehanatte, ag wan laala king gumappig, amu ɗo maɗoɗ laala ele eɗadna aoppig. Ag wan amu ohnab, tom umanab ukkak oh aoppig. Ag King Sihonnu wan, King Ognu wan ele anam aoppig. Sihon nug Hesbon appa king dayeye, Og nug Basan dilag king dayom.

Sam 135:11

Nug Amo dilag king Sihon qeum; Basan King Og qeum; Kanan dilag king oh ele aqom.

Duteronomi 1:5

Israel ag Moap wanppa, Jodan lenu kaɗag uɗitteppanu daaegeg, Moses nug nai mattiom. Nug ɗo nainu digma inam mattiom.

Duteronomi 2:26

Aria atu taɗak Kedemot appanu amu, da nai awa ukkak danab laa maatti, Hesbon dilag king Sihon toppa, nug ele maɗoɗ dayaknu nai aon goppig. Nai amuppa da ami.

Duteronomi 3:1

Amu dimppa amu, ig eɗut, aot Basannu ib ukkak, amu gomut. Ig ukkautut amu, Basan dilag king Og, nug nuhikkud ban daup oh ele ag Edrei appa ig banenig uɗippig.

Duteronomi 3:6

Am ig Hesbon dilag king Sihon, ig nuhigppa hemut bia ig heut, aab okkai amu oh am Yawenuib nuhig pelemppa daappig. Ig danab ah, nid naunau ele oh heut, anam daappig.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.