Duteronomi 1:16 - Nobonob Baibel

¹⁶ Haen amuppa da ahilag epeɗiak danab amelagppa ami. “Laa nug laa naippa yaakku dayeb, ag nai doya mala hettoɗia epeɗia elele mettak uɗat tutukkunab hekkulagoitte. Ag epeɗia hak eleleppa Israel dilagppa hekkulagoitte; ag Israel danab ah dilagppa, ag wan laihnu danab dilagppa ele anamib hekkulagoitte.

Duteronomi 1:16 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

Sam 58:1

Gumak danab ag, ag nai doya mala hettoɗia epeɗia elele mettak kobol genab hettebte? Ao, ag danab okkai ag epeɗiak maɗi ahilag henana, ag uɗat amu tutukku, kaliak laa iittappa genab hettebte?

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Prowerb 31:9

Na inam hekkutoitte: Hettoɗiakppa amu, na nai doya mala hettoɗia epeɗia elele mettak kobol dim lamidna mattie! Ao, hettoɗiakppa na daɗek danab amu laa ag keekenu tutu mak daatteb ele amu, na amu dilagnu nai doya mala hettoɗia epeɗia elele mettak kobol dim lamidna hee!” Lemuel anig nug nai amu nug ippunitte mattiom.

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

Lewitikas 24:22

Ɗo dim lamittaknu imu am, Israel danab, wan laihnu danab ele, ahilag ohnu daatte. Aɗinu? Da am Yawe, ahilag Kayak.’ ” Yawe Nug anam aum.

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Duteronomi 1:15

amunu, da ag Israel da ahilkad huu okkai anen anen oolagppan ikki danab ag epeɗiadppig ele, ag am danab doyak dabmak ena ele, danab ag Israel, ag ahilagnu ena elele dooppig amu, da danab amu ag Israel danab ah ameg laala 1,000, ameg laala 100, ameg laala 50, amu ameg laala 10 dilag okkai danab daan gumadkkulagnu, ag ahilkad huu okkaippan ehanittak anuqak danab ele daaglagnu otiadmi.

Duteronomi 24:14

Am laa nug uɗat nid daatte me, nug am daɗek, na danab anam am aib eheɗ hettame. Nug am Israel tedte, o nug am wan laihnu danab nug uɗia, ag oolagppa aab laappa daattetai, na aib eheɗ hettame.

Duteronomi 25:1

Danab aɗit laa aa mattiak ahilah aoya, hettoɗiakppa goya daaglah dayeb, epeɗiak danab nug laa amu tutukku atte, laa nug eheɗ heum akku.

Duteronomi 27:11

Deɗ amuppaib Moses nug danab ah amelagppa haknunab nai imu mattom. Nug aum.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

1 Tesalonaika 2:11

Ag dootteb, ig ag anen anen, danab laa nug bekkod bahi aqatte bia, ag bahi aqatta,

1 Timoti 5:21

Kayak, Kristus Jesus, amu Kayaknu engel oh ele noolagppa da tutukku na amenppa iikku attem. Na uɗat amu tutukku atogno! Na atognonana, na ameg laa dilagppa nai bodoettak anana, ameg laa dilagppa nai ɠagattag aib mattime; na laanu ena doon, laanu ena iitta doon, aɗi keeke laa aib heme!

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!