Duteronomi 1:11 - Nobonob Baibel

¹¹ Amu Yawe, ag mamelkad aɗi dilag Kayak amu, Nug heeb, ag tausen huanaknab appatkkulagnu, ele Nug ag itadkkunu, Nug hekkunu nai anan qakkom bia amu, da Nug anam hekkunu ool daatte!

Duteronomi 1:11 ပူးပေါင်းရင်းမြစ်များ

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

2 Samuel 24:3

King Dawit nug ag amelagppa anam aum, amge Joap nug eɗua nob ma aum. “Yawe, Nug nahip Kayak amu, Nug heeb, nahipad daup ag huanaknab daaglagnu ool daatte. Gemu daup laippu daatte, Kayak Nug heeb, 100 daaglagnu ool daatte. Nug heeb, na bau daanna, daup huanak anam anadkkutnu ool daatte, amge gemu diig aɗinu na king, na dahil naɗi, na daup ebaqakkutnu hettem?” awa oɗ mettom.

1 Stori 21:3

King Dawit nug ag amelagppa anam aum, amge Joap nug eɗua nob ma aum. “Yawe Nug heeb, nuhikkud daup ag huanaknab daaglagnu ool daatte. Gemu daup laippu daatte, Kayak Nug heeb, 100 daaglagnu ool daatte. O dahil naɗi, gemu daatteb amu, ag nahipnu, ‘Ihinig okkai,’ aon iite atteb? Na ebaqadkkunignu attem am diig aɗinu na anam hekkutnu attem? Na amu heppe, ig gota amu hekkunig dayeb amu, ⌊Yawe Nug ena ii dooma,⌋ Israel oolagppa aab daakku, am na diig aɗinu anam hekkutnu dabmettem?” awa oɗ mettom.

Sam 115:14

Yawe Nug heeb, na nid menuadppe, na begapad, aɗenad ele ag ele nid menuadkkulagnu ool daatte.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Esekiel 16:7

Da anam awoya, da hei, na datta keeke eppak ena bette, amubia na ena menana daame. Da anam hei, na ena mena, na ah makkun enanagnab beme, neekkak enanag. Nahip huh am uunela mala, na ikkin uɗug elab neum. Da hei, na beɗun enanag anam beum, amge na bam iitta, beɗun miag ele daame.

Namba 22:12

Balam nug anam Kayak amegppa aum, amge Kayak Nug eɗua Balam amegppa aum. “Na aib ag dim lamadme. Danab huanaknab Moap wan daugppa daatteb amu, da ag itittak ena mattamide amunu, na aib ag eheɗ laa awaknu anak waappa daaglagnu ame!” awa aum.

Namba 6:27

Amu Yawe Nug aum. “Aron bekkod ele ag anam hena, amuppa ag da onil Israel danab ah dilagppa mattaglag, amu da ag itittak ena madakkul,” awa aum.

Duteronomi 1:10

Yawe, ahilag Kayak, Nug he, ag appatna, ag ebqak huanak, kuɗumnab, ag hoɗoppai habppa daatteb bia daatteb!

Duteronomi 1:12

Amge da dakka, da ahilag naittuɗ mak, uug laala ele amu, da attem hein dakka bappaidkkul?

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 10:22

Ag mamelkad aɗi, ag anukka Isip noppig amu, ag danab 70 aakkuib. Amge gemu amu, Yawe, ahilag Kayak, Nug he, ag kuɗumnab, hab waappa hoɗoppai daatteb bia appatna daatteb.

Duteronomi 28:62

Am ag kuɗumnab habppa hoɗoppai daatteb bia daaglag, me laib laib aakkuib daaglag. Ag Yawe, ahilag Kayak, ag Nug oɗe ii doon oiglag, amunu anam bekku.