Daniel 9:26 - Nobonob Baibel

²⁶ Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Daniel 9:26 ပူးပေါင်းရင်းမြစ်များ

2 Samuel 21:5

King Dawit nug anam oɗ matte, ag nob mena appig. “Saul nug ig Gibeon danab ah ohnab mauhkkunig, ig laippu laa Israel wanppa ii daamanu dabmak awowa aha, eheɗ iqom

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Aisaia 28:2

Laa Naɗi eppegppa daatte amu, nug wan laappan danab, nuhikkud daup ag am ɠagattag ⌊ag Asirianu⌋, amu Naɗi Nug heeb, nug nuhikkud daup ele ag uɗin, ag Samaria heppeg nauhkku. Ag ais habppanu, gu ele, aria ulah huana eheɗ ele na, keeke he nauhtte bia, geha ag pahanab bena, heppeg nauha auta autanab aokku.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Aisaia 53:8

Ag ɠagattagppa aɗan, nai tutukku iittappa, “Nug mauhkkun daatte,” anan, qeppeg mauhkkunu aon goppig. Ag anam heppig, amu laa nug nug buɗubnu akkunu elele iitta. Aɗinu? Ag nug qeeg mauhom. Ao, ag dahilad danab ah dilag hipuninnu, nug qeppig.

Aisaia 8:7

amunu, genabnab da Naɗi, da geha Asiria dilag king awe uɗikkulnu heppi, nug nuhig ɠagattag amuppa ag oɗoɗadkku. Am Asiria dilag king nug nuhikkud ban danab ele, ahilag ɠagattag am Yupretisnu le uinu ɠagattag, ebehi ele na, le titiɗa, atu oh tona gotte, ag amubia hena uɗiglag. Ag uɗin, Yupretis le nug ui wa, le ihi daug laih laih oh tonatte, amubia ag uɗin, Juda wan oh bia tonaglag. Amge ag wan amu ohnab ii aomna. Ge, Asiria ag wan amu ohnab ii aomna, amge oh bia aon tonan, elele mettan daaglag,” awa aum. O Imanuel, ⌊na ig ehanigkkutnu oɗ medattem⌋!

Jeremaia 46:7

Le Nil titiɗa ba, le okkainab daatte amu, atteg dilag daup ag amubia iikku hetteb? Ao, le laa kuɗum ag ui huana o, le okkainab daatte amu, atteg dilag daup ag amubia iikku hetteb?

Jeremaia 51:42

Babilon dilag kekeɗ ag yu titiɗa ba, wan tonatte bia, ag amubia Babilon tonaglag. Ao, yu koɗkoɗ huana qe, wan tonatte, kekeɗ ag amubia Babilon wan tonaglag.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.

Daniel 11:17

Amu nug inam dabmekku. ‘Da dahilad daup ohnab, ban haknu keeke ohnab awen ele, da uɗie ukken, da heppi, wan yau uɗitteppanu dilag king nug da ele nai qakkagnih,’ dabmekku. Nug anam dabma, nug wagai ma, wan yau uɗitteppanu dilag king abenab aokkunu uɗia, aɗeg laa wan yau uɗitteppanu king, nug wau daakkunu medakku. Nug amu hekku, amge ii ehanidma.

Daniel 11:22

Nug king ba dayaya, nug wan laappan daup huanak ele ban hekku amu, nug ag eɗatta, heeb nauhkkulag. Nug amu ha, nug Israel danab ah, Kayak he, ag Nug ele nug tituanna nai qagappig amu, nug ahilag okkai am ele heeb nauhkku.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Hosea 1:9

Menue, Yawe Nug Hosea amegppa aum. “Na nug onig ‘Lo Ami’ ataɗe! Aɗinu? Gemu Israel danab ah ag dahil danab ah iitta, da am ahilag Kayak iitta.

Amos 8:8

Hipunin ag heppig ele amu, ahilag wan oh amunu iite uɗalkku; danab ah oh appa daatteb amu, ag iite mahiglag. Le Nil, amuam Isipnu le okkai, am titiɗa ba, ebehi ele ugakka, eɗua hiɗatte; amubia Israel wan oh am uɗalak nau awowa, na qekku.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Matyu 22:2

“Kayaknu ɗo maɗoɗ nug am imubia. King laa nug bekka ah aokkunu heehe, danab okkai amu nug ee naɗi heum.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Matyu 23:38

Antteg! Ag appalag am geha uɗ ba, aab dakkeɗ bia daakku.

Matyu 24:2

Anam aeg amu Jesus Nug oɗelagppa awa aum. “Ag keeke amu oh anidtteb, amge da genab ag amelagppa attem, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Mak 13:2

Nug anam a amu Jesus Nug aum. “Ag lag okkai imu anadtteb, amge dimppa laa ag men imu loppaɗppeg nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Mak 13:7

Amu ag bannu doonna, bannu ulah nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta.

Mak 9:12

Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Luk 21:6

“Gemu keeke imu oh ag anidtteb amu, haen laa ana beeb, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Luk 24:46

amelagppa aum. “Anukkanu uɗiak amu, Kayaknu nai yaappig ele am inam ippunigtte. Kristus Nug guittak awa mauhowa, deɗ ewamppa nug eɗua hippaidkku. Am anam ippunigtte.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.