Daniel 9:25 - Nobonob Baibel

²⁵ Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Daniel 9:25 ပူးပေါင်းရင်းမြစ်များ

2 Samuel 15:25

Ag amu hena malaeg, Dawit nug Sadok amegppa aum. “Na Kayaknu Tituanak Nainu Kunup aon, eɗun aab okkaippa ukke! Yawe Nug dahilnu ena dookkun dayeb, Nug heeb, da eɗue ukken, Tituanak Nainu Kunup amu, Nug laug baula anidkkul,

Esra 4:24

Amu Juda danab ag Jerusalem appa Kayak laug eɗua daakkunu uɗat hak uueg daye ukke, Persia dilag king laa Darius, nug king dayaya, nuhig king dayaknu, maɗ aɗitppa Juda ag uɗat amu eɗun heppig.

Esra 7:1

Amu keeke amu dimppa Persia dilag king Artekserksis nug king dayeye, Esra nug Babilonnu aha, Jerusalem ukkom. Esra mameg am Seraia. Seraia mameg am Asaria. Asaria mameg am Hilkaia.

Esra 7:8

Esra nug Artekserksis nug Persia dilag king dayaya, nuhig king dayaknu maɗ eblaih aɗitnu kalam tanig eleppa Jerusalem teum.

Nehemaia 3:1

⌊Danab imu ag am Jerusalemnu aɗ, aɗnu od ele heppig.⌋ Mana mettak ikki danab Eliasip, mana mettak danab laa ele ag od onig Sipsip Od tatam eɗun babaittona, ag od okkainu od naunau ele bappaidna aihadna, Kayaknu tituanna mettona, ag aɗ appanu digmena eɗun babaittegeg ukke, lag attan ta ukkak menppa hak onig Danab 100 Dilag Lag, amuppa batappig. Ag aɗ laih amuppa malona, ag Kayaknu tituanna mettona, ag tuɗidna, appanu ag aɗ eɗun babaittegeg ukke, lag attan ta ukkak menppa hak onig Hananelnu Lag batappig.

Nehemaia 4:2

Nug awa awa iqaaqa, nug laikkud amelagppa, Samaria dilag daup ele amelagppa aum. “Juda danab imu, ebehilag iitta ele, ag attem dabmena hetteb? Ag eɗun, aɗ hekkulagte? Ag eɗun, doɗ manadna, ahilag Kayak mettaglagte? Ag uɗat dabmetteb ele am paha malaglagte? Ag men kekeɗ loppaɗeg nena, aab ewakppa nauhppig, kinipan ameg okkai hume tak niitteb amu, ag amu eɗun aon, keeke laa hekkulagte?” awa aum.

Nehemaia 4:8

Ag oolag huana nauhe, ag qagmena, ag banenig uɗin heppeg, ig danab ah Jerusalem daattem ele ootot daagnignu maittak aoppig.

Nehemaia 6:15

Kekeɗ ag anam heppig, amge ig aɗnu uɗat heut ukke ukke, kalam onig Elul, kalam amunu deɗ 25ppa ig malamut. Ig deɗ 52 uɗat amu hetata, aakku gogppa temut.

Sam 71:10

Da amunu oɗ medattemnu diig am, dahil kekeɗ ag da niɗaglagnu maditteb. Yo, laa ag da iuglagnu hetteb ele, ag amu hekkulagnu maidtteb.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Aisaia 55:4

Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Daniel 8:25

Nug hambuppuak kobolppa keeke haknu doya auta autanab awa, kobol amuppa nug nuhig uɗat haaha, laa kuɗum ag amu ii dabmetteb ele eɗadkku. Nug nukka, nuhignu, “Da am danab enanag, laa oh eɗattak,” dabmaama oikku. Laa ag akka, ag ahilagnu, “Ig maɗoɗ ele iikku daattem,” abeppeg, nug heeb nauhkkulag. Nug Kayak, Nug laa oh eɗadtte amu, nug Nug ele ban hekkulahnu hekku. Nug keeke okkai amu oh hekku, amge laa, danab iitta, laa nug heeb nauhkku.

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Maika 5:1

Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 13:23

Aria, ee aeg wan enappa nena qeppig ele amu, nai amu inam ippunigtte. Danab nug nai daugppa doya dabmedatte, nai diig ele oo maidtte amu, nug meu ena otte, laa 100, laa 60, laa 30 eppakppanu eɗittak, anam otte,” awa aum.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Mak 13:14

Anam amge, danab aun nug nai imu ebqette amu, nug meu nuhig tutukku aokkunu dabmaɗ! Ag keeke naunab laa, nug aab he nauhtte ele, ag keeke amu ii daalo, amuppa daatte anidkkulag amu, laa ag Juda wanppa daatteb, ag oolna qaukoppa ukkeg!

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Jon 4:25

Jesus anam a amu, ah nug Jesus amegppa aum. “Da Mesaia uɗikkunu daatte doottem; Nug am Kristus. Nug uɗia, keeke oh ig danab ah ippunigkku,” awa aum.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 8:30

Aria, Pilip nug qaietta gumitta wana, danab amu nug propet Aisaianu yaak ebqeeqe doya, oɗ metta aum. “Na nai ebqettem ele amu, na diig nuhignu oot maidttete, o iitta?” awa aum.

Epesus 5:16

Ag amu dabmenana, gemu am haen nau amunu, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”