Daniel 9:21 - Nobonob Baibel

²¹ haen amuppanab Gabriel, nug pahanab hagagaɗa, gumiɗa uɗiom. Nug da laa anukka tuleglegppa anidmi, nugib aakku. Nug mana mettak danab hanhan tueb meeme, doɗ laa manan, Kayak medatteb, nug tueb haen amuppa dahilppa uɗiom.

Daniel 9:21 ပူးပေါင်းရင်းမြစ်များ

1 King 18:29

Aam anig uɗia ukkom, amge ag amunu ii dabmeppig. Ag propet nai duttunak huanak ele mattin henan daaegeg ukka, tueb mana mettak haknu haen doum. Ag anam heeg ukkom, amge ⌊kayak hambuppuak⌋ auntai laa oɗelagppa ii awom, auntai laa nug amunu dabmak laa ii awom.

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

Sam 103:20

Engel ag, ag Yawe humitteg! Ao, ag engel aun aɗi ag ɠagattag ele, ag Nug aɗi keeke hekkulagnu atte dooglagnu daulag human daan hetteb ele amu, ag Nug binag meig!

Sam 104:4

Nug he, ulah am nuhig nai awa ukkak danab daatteb. Ao, Nug he, amemɗi am nuhikkud maɗi nid daatteb.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Eksodas 29:39

Sipsip laa amu, ag buttua main, da meɗona, laa am tuebnab ag main, da meɗaglag.

Aisaia 6:2

Nug anam dayeye, engel-serep ag hippaidna, Nug talilidna daappig. Am engel-serep oh anen anen ag haulag eblaih laippu ele. Am ag oh haulag aɗit laa amuppa iɗulag hautona, haulag aɗit laappa ag beɗulag hautona, haulag aɗit laa, amuppa ag hagagaɗtteb.

Esekiel 1:11

Ag iɗulag anam daappig, amu ag haulagnu, ag anen anen haulag aɗit taiettak daaeheh, noolah am laikuɗ haulah aɗit noolah yaapiɗ. Aria, ag anen anen haulag aɗit laappa ag beɗulag tonappig.

Esekiel 1:14

Amemɗi anam ya ukkom amu, engel okkai-kerubim waɗele ag ele amemɗi pahanab ya gotte, ag amubia ele laih laih paha goppig.

Esekiel 14:14

danab ewam imu, Noa, Daniel, Job ele, danab ewam amu wan amuppa daaloblob, ag genab tutukku hak danab amunu, ag ii mauhmana, amge ag danab ah laa oh ehanadppeg, ag bau daaglagnu elele iitta.” Naɗi Yawe Nug anam awa atte.

Daniel 10:10

Da anam wanppa mauhak bia niiiyi, eppeg laa da aɗaila he, da eppel, bael ele hahaɗeɗe, gatel qaun o, eppel ele wan aɗeɗe, da anam daami.

Daniel 10:16

Da anam daaiyi, laa beɗu danab bia nug da ottil nakokib aɗe, da oɗelppa digmein nai mattimi. Da laa da noolppa daye, nug amegppa ami. “O naɗi dahil, da tulegleg imu anittitti, tulegleg he, da beɗulppa guittak dooi, beɗul gai-iitta ma aut auta awom.

Daniel 10:18

Da anam ai, laa nug beɗu danab bia dayom amu, nug baula nakokib aɗaila, ɠagattag meɗom.

Daniel 8:16

Nug tula ba, hibaitta daye, baag laa, Ulai le daugppa appa aum. “Gabriel, na danab imu nug tulegleg anidtte amu, na tulegleg amunu meu mehuqppe doyaɗ!” awa aum.

Daniel 8:18

Da wanppa niiiyi, nug nai mattieye, da mauhak bia daaiyi, da iɗul wan yom. Da anam daai, nug aɗaila ehaniɗe, da hibaitten daami.

Matyu 27:46

Aria, aam ameg ewamppa anam amu, Jesus Nug baag okkaippa, “Eloi, Eloi, lama sabaktani?” ewa aum. Nai amu eɗuak am, “O dahil Kayak, O dahil Kayak, na aɗinu da uuiɗmenu diig appe dookkulnu oɗ medattem.”

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 1:26

Amu Elisabet nug oo ele dayeye, kalam eblaih laippu ele ooppa Kayak Nug engel Gabriel me, Nug Galilinu aab Nasaret, appa ukkom.

Aposel 10:3

Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.

Aposel 10:9

Aria, danab ewam ag ukkaegeg ⌊uudo, ibppa niiona, ahan ukkaegeg,⌋ aam ameg tutukku aokkunu heehe Jopa guguittegeg, Pita nug lag koɗokko uɗem ukkakppa unuqidkkunu teum.

Aposel 12:7

Ag anam daaegeg, laippun Naɗinu engel laa appa hibaitta dayeye, amahlak lag oo amuppa amahlom. Amahlele, engel nug Pita qetti laih qeqala, maɗetta aum. “Pahanab ahe!” awa aum. Awa a amu, laippun sen Pita eppegppanu amu uhuqya nepiɗ.

Aposel 3:1

Haen amu deɗ laa Pita, Jon ele aa tueb, aam ameg ewamppa, unuqittak haenppa Kayaknu mettid lakka unuqidkkulahnu gopiɗ.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 1:7

Kayak Nug engel dilag madikkunu ha, Nug inam aum. “Nug he, engel ag ulah bia daatteb. Ao, Nug he, nuhikkud maɗi nid ag amemɗi bia daatteb.”

Revelesen 9:17

Da tuleglegppa hos amu danab hosppa daappig ele anadmi amu, ahilag ban bala amu inam. Danab ag momolagppanu qahaɗ am aenib. Qahaɗnu bala amu kokoɗ, ed hinqak bia amu lanlan ele. Hos ikkilkad amu laion ikki bia. Amu aab aɗu, kahug, kalu laa huana eotte onig salpa ewawa, ag oɗelagppanu bena goppig.