Daniel 8:9 - Nobonob Baibel

⁹ Aria qeqeɗi laappa amu qeqeɗi nakok laa beum. Digmakppa qeqeɗi amuam gai-iitta dayom, amge nuhig ɠagattag okkai maama, qeqeɗi amu yau uɗitteppa, kaɗag uɗitteppanu, wan enanag, Israel wan, wan amu ele ya aokkunu elab ukkom.

Daniel 8:9 ပူးပေါင်းရင်းမြစ်များ

Sam 105:24

Yawe he, Israel danab ah kuɗum appatppig. Nug he, ahilag ebqak am ahilkad kekeɗ eɗadna, ɠagattag daappig.

Sam 48:2

Qauko Sion amu attannab, anttak nuhig enanagnab. Wanppan danab ah oh ag qauko amu anidna, ag gamag ahak okkai dootteb. Qauko Sion ⌊am Kayaknu,⌋ am nuhig tituanak daatte. Kayak Nug wanppan king laa oh eɗattak daatte, amu Jerusalem, ⌊Sion qaukoppa daatte amu, aab⌋ amuam nuhig aab okkai.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Daniel 11:16

Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 11:21

Wan yawalti uɗitteppanu king amu nug anam mauheb, laa nug abenabppa ta king daakku. Nuhignu amu, danab kuɗum ag, ‘Nug am keeke hamu, binag iitta’ dooglag. Nug am king tiigppan iitta. Nug aha, wan yawalti uɗitteppanu daatte dilag king daakkunu, nug wan amuppan danab ah ag maɗoɗ daappeppeg, hambuppuak kobolppa haaha, king abenppa ta, king daakku

Daniel 7:8

Da neekki ukke, qeqeɗi amu anatten, qeqeɗi amunu dabmein daaiyi, qeqeɗi nakok laa ele qeqeɗi laa oolagppa aakku beum. Baaba, qeqeɗi ewam laa duttunatte, bena gona ii daappig. Qeqeɗi dim beum amu, nug am ameg ele, ameg amuam danab ameg bia. Nug ele oɗe ele, amu nug nukka nug oɗeppa binag mak nai okkainab mattiom.

Sekaraia 7:14

Da hei, ag wanppan wan uma, ulah kilibob he, keeke tamtam laih laih gona daatteb bia daappig. Da hei, ag gona appa daanna, ag aab diig danab iitta wan amuppa daappig. Hak ahilagppa ag heeg, wan ahilag am hele-etta auta autanab awom. Danab ah ag wan amuppa ii oippig. Israel danab ah ag heeg, ahilag wan enanag, ee meu huanak oum ele amu, wan amuam hele-ettak dayom.” Yawe Nug anam atte.