Daniel 8:7 - Nobonob Baibel

⁷ Nug qaietta ukka, sipsip dawai qekkunu huana ha, nug he, sipsip dawai qeqeɗi aɗit oh aakku qiipiɗ. Qeqeɗi qiieh, sipsip dawai nug ɠagattag daakkunu, aɗi laa hekkunu am elele iitta. Nug gai-iitta anam dayeye, meeme dawai duttune, sipsip dawai na qe, meeme dawai nug baegppa tappa oɗoɗe nauhom. Amu laa nug sipsip dawai ehanitteb, ena daakkunu elele iitta.

Daniel 8:7 ပူးပေါင်းရင်းမြစ်များ

Daniel 11:11

Ag gona wana teppeg, wan yau uɗitteppanu daatte, amu dilag king nug amu antta, oppoɗi beeb, ameg kokoɗ eppeb, nug aha, wan yawalti uɗitteppanu dilag king ele ban hepeɗ, nug eɗitteb, king amu, nuhikkud daup huanak ele ag nug eppegppa daaglag.

Daniel 7:12

Doɗ ewam laanu amu, Kayak Nug gumaknu ehah ahilag matu aɗatta awe, hamu daappig, amge Nug ele he, ag nakokib tuɗidna, bau daappig.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Daniel 8:10

Qeqeɗi amuam elabnab ma, hab attan ta, hoɗoppai laala yaalatte, nena qena wanppa daaegeg, hab daup laala ele he nena qeeg, nug amu oh baegppa tappalatte nauhppig.

Daniel 8:6

Meeme dawai amu nug sipsip dawai qeqeɗi aɗit ele, da nug lenag daugppa anidmi amu, nug nug gumitta uɗia, nug oppoɗi huan be, nug sipsip dawai ele ban hekkulahnu qaietta, huana uɗiom.

Daniel 8:8

Meeme dawai nug anam he, sipsip dawai nug nauha daye, meeme dawai nug onig, ɠagattag okkai ele awa oiyom. Nug anam oiyom, amge nug ɠagattag, onig ele okkainab maama, gogppa te, laa he, qeqeɗi amu qiiom. Qeqeɗi amu qiie, aben qeqeɗi dayomppa amu qeqeɗi waɗele aakku beppig. Qeqeɗi amu ag elab mena, tutukku qappak ii daappig. Iitta. Ag kalin laih laih gona daappig. Laa kalia yawalti uɗitteppanu daye, laa kalia kaɗag uɗitteppanu daye, laa kalia yau uɗitteppanu daye, laa kalia qaban uɗitteppanu dayom.

Lewitikas 26:37

Ao, auntai laa ag ii lamadkku, me ag nug taataɗ qettanna, oolna gokkulag. Oolak ahilag am, ban laappa, ag ahilkad kekeɗ dilagnu hena oolppig bia oolkkulag. Ag ahilag kekeɗ noolagppa hippaidna daaglagnu amu, ɠagattag iitta.

Josua 8:20

Ag amoteg ewewe, Ai danab ag dimulagppa eɗun neegna, ag aab kah aab okkaippanu ta, lomppa teete anidppig. Ag anidna, ag adeppatai laa gokkulagnu ib laa ii anidppig. Amu Israel ag atu taɗakppa gokkulagnu oolna goppig ele, ag appanu eɗueg, danab ag lamadppig ele amu, ag ag ele ban heppig.