Daniel 8:4 - Nobonob Baibel

⁴ Da neekkitten daaiyi, sipsip dawai amu nug doɗ aɗi aɗi qaban uɗitteppa, yau uɗitteppa, yawalti uɗitteppanu ele daappig amu, nug appa ag ele ban hekkulagnu qaietta ukkom. Doɗ laa nug sipsip dawai amu eɗidkkunu elele iitta. Laa nug doɗ atten laa sipsip ele ban hepiɗ ehanitteb, sipsip nug aa ii eɗatmanu am laa iitta. Sipsip dawai nug aɗi hekkunu dabmeum amu, hakib heum. Nug anam he ukke, nug onig, ɠagattag okkainab ele dayom.

Daniel 8:4 ပူးပေါင်းရင်းမြစ်များ

1 King 22:11

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

Job 10:7

Na da beɗulppa aab laa ii daatte doottem. Ao, na ele auntai laa nug da ehaniɗa, na eppenppanu awiɗkkunu elele iitta doottem.

Sam 44:5

Na nahip ɠagattagppa ehanikke, ig ihinkad kekeɗ eɗadttem. Ib laappa anam ii hettem. Ao, na ig ehanigttem, diig amunu ig ihinkad kekeɗ eɗadttem.

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Sam 7:2

Na anam ii hekkut dayeb, kekeɗ ag geha laion laa doɗ laa kattiɗtte, ag amubia da kattiɗilkkulag. Ao, na anam ii hekkut dayeb amu, kekeɗ ag doɗ laa layag emala kattiɗe, huppu huppu nette, amubia ag heppeg da nauhkkul, amu auntai laa da ehaniɗeb qagaiettakppa ii daakkulnu ii daama.

Esekiel 34:21

Ag sipsip ɠagattag ele ag laa ɠagattag elele iitta duttunadna ehalattegeg laih watteb, qeqeɗilagppa ele laa gai-iitta yaalattegeg, uma gona daatteb.

Daniel 11:16

Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 5:19

Kayak Nug king abenab attannab nug mettom amunu, wan atu ohppan danab ah, nai ohppan danab ah ele ag na mamen baɗidna, hahaɗppig. King nug laa mauhkkulagnu oo heum amu, nug he mauhppig. Laa nug ag bau daaglagnu oo heum amu, nug he, ag bau daappig. Laa nug ag okkai daaglagnu oo heum amu, nug he, ag okkai daappig. Laa ag onilag iitta daaglagnu oo heum amu, nug he, ag onilag iitta daappig.

Daniel 5:30

Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Daniel 7:5

Doɗ ebqak aɗit am bea iɗu bia. Doɗ amuam bea bia, amge gukka laih am nakok attan daye, laih am nakok honap dayom. Doɗ amu oɗeppa am doɗ laan qetti ebehi ewam dayeye, aegppa emala dayom. Doɗ amu anam daye, laa nug, ‘Ahan, teppu am huan lappe, oot dittiaɗ!’ ” awa aum.

Daniel 8:7

Nug qaietta ukka, sipsip dawai qekkunu huana ha, nug he, sipsip dawai qeqeɗi aɗit oh aakku qiipiɗ. Qeqeɗi qiieh, sipsip dawai nug ɠagattag daakkunu, aɗi laa hekkunu am elele iitta. Nug gai-iitta anam dayeye, meeme dawai duttune, sipsip dawai na qe, meeme dawai nug baegppa tappa oɗoɗe nauhom. Amu laa nug sipsip dawai ehanitteb, ena daakkunu elele iitta.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.