Daniel 8:3 - Nobonob Baibel

³ Da anam dayeye, da amel humen, neekki ukke, da noolppa sipsip dawai, qeqeɗi aɗit ele, nug ele lenag amu daugppa dayeye anidmi. Qeqeɗi aɗit oh am elab, amge laa am elabnab. Qeqeɗi elabnab amuam dim beum. Qeqeɗi tutu tatam be, elab am dim beum.

Daniel 8:3 ပူးပေါင်းရင်းမြစ်များ

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

Esra 1:2

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum.

Esra 4:5

Ag amu hena, ag ulum danab laala ag nai nau digdig king amegppa appeg, Juda danab ag uɗat amu hekkulagnu elele iitta daaglagnu men doɗo madappig. Ag Persia dilag king Sairusnu haenppa amu heeg, uɗie uɗie, Persia dilag King Dariusnu haen batakppa ele heppig.

Esta 1:3

Amu Ekserksis nug king abenab awa, nuhig king dayaknu maɗ ewamppa nug nuhikkud anuqak danab, nuhikkud ehanittak anuqak danab oh ele dilagnu ee lanak hobul naɗi babaittom. Nug Midia amu Persia ele dilag daup ikkilkad oh, okkai danab laa, amu prowins oh dilag okkai danab ele onilagppa eum.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 44:28

Amu da Sairusnu ele attem. ‘Danab ah dahilad ag sipsip bia daatteb, amu Sairus nug am dahil sipsip gumak danab daatte. Nug da ool hette oh heeb bekku. Nug Jerusalemnu, “Danab ag ahan babaitteg!” akku. Ao, nug dahil mettid lagnu, “Danab ag ahan, digmen babaitteg!” akku.’ ” Yawe Nug anam atte.

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Daniel 10:5

da amel humen, neekki ukke, danab laa da noolppa dayom anidmi. Nug lamen linenppa hak takka, matagiɗ gol enanagppa hak imuagppa takkom.

Daniel 2:39

Na dimunppa ɗo maɗoɗ laa am aha, wan atu gumadkku, amge amunu ɠagattag am na, nahip ɗo maɗoɗ ele, ahilah ɠagattag bia ii daamna. Iitta. ⌊Dottog laih silwappa hak am ɗo maɗoɗ amu ippunigtte.⌋ Aria ɗo maɗoɗ amu dimugppa amu ɗo maɗoɗ laa aha, wan atu gumadkku. Amuam dottog laih brasppa hak bia.

Daniel 5:31

Ag Belsasar qeeg mauhe, Midia danab okkai onig Darius, nug maɗ nuhig 62 ele, nug digma, Babilon dilag gumak danab dayom.

Daniel 6:28

Amu Daniel nug Darius king dayom haenppa, Sairus, Persia danab, nug king dayom haenppa ele, Daniel nug maɗoɗ ena eleib dayom.

Daniel 7:5

Doɗ ebqak aɗit am bea iɗu bia. Doɗ amuam bea bia, amge gukka laih am nakok attan daye, laih am nakok honap dayom. Doɗ amu oɗeppa am doɗ laan qetti ebehi ewam dayeye, aegppa emala dayom. Doɗ amu anam daye, laa nug, ‘Ahan, teppu am huan lappe, oot dittiaɗ!’ ” awa aum.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Daniel 8:20

Sipsip dawai qeqeɗi aɗit ele na anidme amu, sipsip amuam Midia, Persia ele dilah ɗo maɗoɗ epponaknu keeke daatte.

Sekaraia 1:18

Amu dimppa amu da Sekaraia, da neekki ukke, da doɗ qeqeɗi waɗele anidmi.

Sekaraia 2:1

Aria, da Sekaraia, da baula neekki ukke, da danab laa nug melemel doyaknu muɗi eppegppa aɗa dayeye anidmi.

Sekaraia 5:1

Amu da Sekaraia, da baula neekki ukke, da buk itoɗiak ele hagagaɗa ugekke anidmi.

Sekaraia 5:5

Aria, amu dimppa amu, engel nug da ele nai mattimuɗ nug da gumiɗa uɗia, da amelppa aum. “Neegppe, attan taɗ! Keeke laa habppa tula bette amu, na keeke amu antte!” awa aum.

Sekaraia 5:9

Nug anam he, da neekki, attan te, da ah aɗit aa hagagaɗya, i gumitya uɗieheh anatmi. Aa haulah am ai stok haug bia; amu aa pahanab hagagaɗya uɗipiɗ. Aa uɗiya, kaleg amu humaya, aoya hagagaɗya habppa tepiɗ.

Sekaraia 6:1

Aria, amu dimppa da baula neekki ukke, da karis waɗele ag qauko aɗit gamalahppanu uɗiegeg anadmi. Qauko aɗit amu aa brasppa haatak.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Revelesen 13:11

Aria, da doɗ dakkuɗ laa anidmi; nug wan ooppanu beebe anidmi. Nug am qeqeɗi aɗit ele, qeqeɗi amuam sipsip nag qeqeɗi bia, amge nug mat naɗinab nai maditteb bia nai mattiom.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.