Daniel 8:24 - Nobonob Baibel

²⁴ Nug ɠagattag okkainab ele ba daakku, amge ɠagattag amu oh nuhig hakppaib ii bema. ⌊Iitta. Laa nug ehanitteb, ɠagattag okkainab ele daakku.⌋ King amu nug heeb, keeke kuɗumnab laa nauhakib daakku. Nug aɗi aɗi hekkunu heeb, am anamib bekku. Nug danab okkai ɠagattag ele eheɗ hatta, Kayaknu danab ah, ag Kayaknu oppiaawak ele daatteb, nug ag eheɗ hatteb, ag nauhkkulag.

Daniel 8:24 ပူးပေါင်းရင်းမြစ်များ

Sam 37:35

Da nau hak danab, nug oo doyak ii doyaya nau hette ele amu, nug ad laa wan ittag enanagppa, anttak enanag be anidtteb bia enanag ba heehe anidmi,

Daniel 11:23

Nug wan laalappan okkai ele nug tituanna, nai qakkaglag. Nug amu haaha, hambuppuak kobolppa ha, nug ɠagattag awa daakku. Nug nuhikkud danab ah am kuɗumnab iitta, amge nug ib amuppa ɠagattag ele daakku.

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Daniel 8:10

Qeqeɗi amuam elabnab ma, hab attan ta, hoɗoppai laala yaalatte, nena qena wanppa daaegeg, hab daup laala ele he nena qeeg, nug amu oh baegppa tappalatte nauhppig.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Daniel 8:12

Nug tappe nak huanaknab heehe, Kayak Nug nuhig ib oo ii ne, Kayaknu danab ah oppiaawak ele, amu Kayaknu mana mettak deɗ oh hetteb ele, amu oh nug eppegppa dayom. Qeqeɗi amu nug aɗi hekkunu heum ele, keeke amu nug dabmeum bia aakkuib beum. Amu be, nug he, nai genab aakku wanppa na qeum.

Daniel 8:23

Amu ɗo maɗoɗ waɗele amu ag anam daappeg ukkeb, haen danab ag tappe nak naunab nau henan oippeg, haen amuppa king laa nug ahakku. Nug danab nau, neekkak nuhig am ɠagattag. Nug nukka ena, okkai daakkunu hambuppuak kobol digdig hak danab.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.