Daniel 8:17 - Nobonob Baibel

¹⁷ Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Daniel 8:17 ပူးပေါင်းရင်းမြစ်များ

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

Esekiel 1:28

Amahlak okkai naɗinab, amuam kaala iɗu iɗu, gu na male, di apinak bette, amubia. Amahlak okkai, kaala iɗu iɗu, amuam Yawenu binag amahlak oppiaawak elenu neekkak, am amubia. Haen da amu antten amu, da laippun gatel qaun oin, gomelen, iɗul wanppa mein, da laa nai mattie doomi.

Esekiel 2:1

Baag amu nai aum doomi am Yawenu, am Nug da Esekiel, Nug da amelppa inam aum. “Danab bekka, na hippaidna daappe, da na amenppa nai madikkul,” awa aum.

Esekiel 44:4

Yawe Nug da amelppa anam a, danab melemel meum amu, nug omaiɗa, aɗ Kayaknu mettid lag talilitta daatte laih yawalti uɗitteppanu, appan odppa wana omaiɗa, Kayaknu mettid lag noobppa ukkom. Nug omaiɗa ukke, da neekki ukke, Yawenu binag amahlak oppiaawak ele Nug laugppa ambe antten, da laippun gatel qaun oin, gomelen, iɗul wanppa memi.

Esekiel 6:2

“Danab bekka, na danab ah amelagppa nai madittem bia, na Israel dilag qauko neekkadna, ag danab ah daaloblob bia na uug naunab ahilagppa beeb anidkkulagnu propet nai appe doyeg!

Daniel 10:11

Da anam daaiyi, ⌊danab da anidmi⌋ nug aum. “Daniel, Kayak nahipnu ooppa enanag dootte, amu na nai da na amenppa akkulnu hettem amu, na nai amu dabmettan autna awe! Laa he, da na gumitten uɗikkulnu uɗimi amunu, na hippaidna daye!” awa aum. Nug anam a, da hippaidmi, amge da hahaɗeɗe daami.

Daniel 10:16

Da anam daaiyi, laa beɗu danab bia nug da ottil nakokib aɗe, da oɗelppa digmein nai mattimi. Da laa da noolppa daye, nug amegppa ami. “O naɗi dahil, da tulegleg imu anittitti, tulegleg he, da beɗulppa guittak dooi, beɗul gai-iitta ma aut auta awom.

Daniel 11:27

Amu beeb, king aɗit amu, laa wan yawalti uɗitteppanu dilag king, laa wan yau uɗitteppanu dilag king amu, king aɗit amu aa oolahppa dabmak eheɗ ele balalppa daayya, aa nug hambubuittak heyaya, nai mattiglah. Aa anam hekkulah, amge aa aɗi aɗi hekkulahnu dabmeyaya, nug bubuittak heya, nai mattiglah amu, nai amuam meu ii oma. Aɗinu? Gog tak haen am haen adekkuppa bekkunu tituanak daatte, haen amuppa aakku bekkuoitte. Nug hambuppuak nai ahilah am heeb, haen amu ii baolima.

Daniel 11:40

Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.

Daniel 12:13

Amu Daniel, nahipnu, na wanppa daanna, na maɗoɗ ele daye! Na wanppa oinna, wanppa dayak nahip iitta meeb, na hik aon daappe ukkeb, gog tak haenppa na eɗun hippaidna, aug ena Kayak medakkunu tituanom daatte amu, na aokkut,” awa aum.

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Daniel 2:46

Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

Daniel 7:16

Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Daniel 8:15

Da Daniel, da tulegleg amu andette, da tulegleg amunu diignu doyak tutukku aɗakkulnu dabmein daaiyi, laa nug beɗu am danab beɗu bia, nug da noolppa tula ba, da noolppa hibaitta dayom.

Daniel 8:19

Da hibaitten daaiyi, nug da amelppa aum. ‘Tulegleg na anidme ele am gog tak haennu keeke ippunigtte amunu, da qinob, Kayak oppoɗi beeb, bu mettak haenppa aɗi aɗi bekkunu daatte am appi dookkut.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Habakuk 2:3

Aɗinu? Keeke da ippunidkkul amu, keeke amu nuhig haenppa bekku. Am uug gemu daattenu gog tak haenppan keeke. Am genab bekku; am hambuppuak laa iitta. Keeke amuam pahanab iitai bekku, amge na bahin aib yom. Iitta. Na ameg mena daye! Aɗinu? Keeke da na ippunidkkul am genabnab bekkun daatte, am nuhig bak haen am ii eɗidma.

Matyu 17:8

Jesus anam a amu, ag ikkilag human, danab laa ii anidppig, Jesus nukkaib anidppig.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Revelesen 22:8

Da Jon, da nai imu doomi, keeke ele anidmi. Amu da nai doyen malen, keeke ele anitten malen, da engel nug keeke imu oh ippuniɗom ele, da dup noin nug binag mekkulnu nug noobppa gatel qaun omi,