Daniel 8:16 - Nobonob Baibel

¹⁶ Nug tula ba, hibaitta daye, baag laa, Ulai le daugppa appa aum. “Gabriel, na danab imu nug tulegleg anidtte amu, na tulegleg amunu meu mehuqppe doyaɗ!” awa aum.

Daniel 8:16 ပူးပေါင်းရင်းမြစ်များ

Daniel 10:14

Nug ehaniɗkkunu uɗiom amunu, da dimppa nahipad danab ah dilagppa aɗi bekkunu meu appi dookkutnu uɗimi. Aɗinu? Tulegleg imuam dimppanu keeke,” awa aum.

Daniel 10:21

Nug uɗikku, amge tatam da nai buk laa onig Nai Genabnu Buk, nai buk amuppa daatte am appi dookkut. Da amu hekkul amge tatam na imu dookkut. Persia dilag okkai, Grik dilag okkai ele, danab aɗit amu aa da ele ban hettem; laa ehaniɗlob, amge laa anam ii hetteb. Iitta. Nahip ehanittak okkai Maikel, nug nukka ehaniɗtte.

Daniel 7:16

Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Sekaraia 1:9

Da anam anttena amu, engel laa nug da ele nai mattimuɗ amu, da nug oɗ mettami. “O naɗi dahil, umuam aɗinu anam daatteb?” awe oɗ mettami. Da anam oɗ mettai, engel nug da ele nai mattimuɗ amu, nug eɗua, da amelppa aum. “Ag attemun amu, da na ippunidkkul,” awa aum.

Sekaraia 2:4

engel da ele nai mattimuɗ nug engel laa amegppa aum. “Na paha gona, nid bau melemel doyaknu muɗi aɗatte amu, na nug amegppa inam appe doyaɗ! Deɗ laa dimppa danab ah huanak, doɗ manan ele Jerusalem appa daaglag. Ag kuɗumnab Jerusalem daaglagnu henana, ag oh aab ooppa daaglagnu elele iitta amunu, kuɗum ag aabnu aɗ dimittim daaglag.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 1:26

Amu Elisabet nug oo ele dayeye, kalam eblaih laippu ele ooppa Kayak Nug engel Gabriel me, Nug Galilinu aab Nasaret, appa ukkom.

Aposel 10:13

Nug amu antta dayeye am baag laa Pita amegppa inam aum. “Pita na ahan, doɗ imu aqan la!” awa aum.

Aposel 9:7

Nug amegppa amu aawo, danab Saul ele oippig amu, ag nai iitta hippaidna daanna, baagnu oqotti aakkuib dooppig, danab laa ii anidppig.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Revelesen 1:12

Nug anam aawo, da danab nai amelppa aum ele anidkkulnu eɗuen neegmi. Da eɗuen amu lam maknu balal golppa hak eblaih aɗit ele daaegeg anadmi.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.