Daniel 7:9 - Nobonob Baibel

⁹ Qeqeɗi nakok, dim beum am anam heehe, da neekki ukke, da laa ag kingnu sia enanag kuɗum abenlagppa maatteg daaeg anadmi. Ag maatteg daaegeg, Kayak Hanhan Daatte Nug sia king nuhigppa heɗep na dayom. Lamen nuhig am hakkabnab, sno bia. Nug ikki uɗug am hakkab, sipsip uɗig bia. Sia king nuhig am aab ewak bia dayom. Amu sia king nuhig am ele wil ele, amu wil amu oh am danab aab ile, huana diditte, amubia ag oh huan ewegeg anidmi.

Daniel 7:9 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

2 Stori 18:18

Ahap nug Jehosapat amegppa anam a amu, Mikaia nug nai amu tuɗitta nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel daup hab aabppa daatteb oh ag Nug naɗiap-ppa nanehppa ele hippaidna daaegeg anadmi.

Sam 45:8

Keeke muttuɗig enanag, onig mir, alo, kasia ele, ag amu aon, lamen elab nahip laitteg, muttuɗig enanab otte. Na nahip launad enanagnab, appa amu, ag elepan aelkadppa keeke digdig hena, bala madappig. Na launad amuppa ahiettak danab ag ahi ettan autna aon heegeg, na doon, gaman ahatte.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Sam 93:2

O Yawe, anukkanab na digmena, keeke oh gumattem. Ao, na am bauklel.

Aisaia 6:1

Aria haen King Usia mauhom, maɗ amuppa amu da Naɗi Nug nuhig sia kingppa dayeye anidmi. Sia king nuhig am attannab dayeye, Nug amuppa dayom. Am Naɗi Nug lamen beɗuppa meum am elabnab, lamen elab nuhig amu ukka, nuhig mettid lag ohppa elele mette dayom.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Jeremaia 49:38

Am Yawe Nug atte. “Da dahil sia king, Elam appa mein, hettoɗiatten heppi, Elam dilag king, nuhikkud ehanittak anuqak danab laa ele ag iitta mekkulag,” awa atte.

Esekiel 1:26

Amu da neekki te, tappiɗ daatte, amu attan amuppa da keeke laa sia king bia daye anidmi. Sia amuam men sapaia, anttak enanag ele, amuppa hak. Sia amuam tappiɗ diig laa miag guguittak iitta, attannab dayom, am da sia amuppa laa, Nug beɗu amu danab beɗu bia, da nug sia amuppa heɗep na dayeye anidmi.

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Daniel 7:22

Nug anam eɗattette ukke, Kayak Hanhan Daatte, Nug Kayak Attannab Laa Oh Eɗattak, Nug uɗia, nuhikkud danab ah oppiaawak ele ag qeqeɗi amu eɗidkkulagnu a, haen ag ahilag gumaknu uɗat aon, wan gumaglagnu be, ag gumak uɗat amu digmeppig.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Matyu 28:3

Nug iɗu am amemɗi bia amahlom. Nuhig lamen amu hakkabnab sno bia.

Mak 9:3

Beɗu eɗue, nuhig lamen ele hakkabnab eppom. Wan imuppanu danab laa nug lamen heeb, hakkabnab amubia bekkunu elele iitta.

Aposel 2:30

Dawit nug propet dayom amu, Kayak Nug nukka nuhig nai ɠagattag qetta, Dawit amegppa a, Dawit nug nai ɠagattag qettak amu Kayak oɗeppanu uɗie doyom. Kayaknu nai ɠagattag qettak amuam inam. ‘Dimppa na buɗunppan da king laa otippi ba, nug nahip sia kingppa daakku,’ awa aum. Nug anam a, Dawit doyom, amge

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

Revelesen 1:14

Nug ikki uɗug amu hakkabnab, Nug ameg amu aab ewa diditte amubia.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Revelesen 4:2

Anam a, pahanab Kayak Ouɗi dahilppa ambe, da sia king ⌊anuqak⌋ hab aabppa dayom, laa Nug amuppa dayeye ele anidmi.