Daniel 7:6 - Nobonob Baibel

⁶ Aria, amu dimppa da neekki ukke, doɗ ebqak ewam anidmi. Doɗ amuam lepad bia, amge doɗ amu gomeppa haug waɗele, ai haug bia daaeg, doɗ amu ikki am waɗele. Anam amu, laa nug doɗ amu wan gumattaknu ehah nug mettom.

Daniel 7:6 ပူးပေါင်းရင်းမြစ်များ

Esekiel 17:3

na imu a! Naɗi Yawe Nug inam atte. ‘Ai igel laa, ai amuam ai okkai, nug dayom. Nug haug am ɠagattag ele, haug uɗig, bitobppan uɗig ele am elab elab; uɗig laa am elele, teppu ele daya, am ele kaala iɗu iɗu dayom. Ai igel naɗi amu nug daya, Lebanon wanppa uɗia, nug ad sida laa gogppanabnu eppeg aɗa,

Daniel 10:20

Da anam ami amunu, nug aum. “Na da nahipnu uɗiminu diig doottemte? Haen elab iitta amu, da eɗuen goppi, Persia dilag okkai ele ban hekkunih. Amu da goppi, Grik dilag okkai nug uɗikku.

Daniel 2:39

Na dimunppa ɗo maɗoɗ laa am aha, wan atu gumadkku, amge amunu ɠagattag am na, nahip ɗo maɗoɗ ele, ahilah ɠagattag bia ii daamna. Iitta. ⌊Dottog laih silwappa hak am ɗo maɗoɗ amu ippunigtte.⌋ Aria ɗo maɗoɗ amu dimugppa amu ɗo maɗoɗ laa aha, wan atu gumadkku. Amuam dottog laih brasppa hak bia.

Daniel 7:4

Doɗ ebqak tatamnu am laion bia, amge nug haug ele. Haug amu ai igel, nug haug amubia aakku. Da neekki ukke anittitti, laa uɗia, haug amu hiɗalata awa he, doɗ amu nug hibaitta, danab hibaitta daatte bia dayom. Keeke laa amu, nug doɗ amu danabnu dabmak nug mettom.

Daniel 7:5

Doɗ ebqak aɗit am bea iɗu bia. Doɗ amuam bea bia, amge gukka laih am nakok attan daye, laih am nakok honap dayom. Doɗ amu oɗeppa am doɗ laan qetti ebehi ewam dayeye, aegppa emala dayom. Doɗ amu anam daye, laa nug, ‘Ahan, teppu am huan lappe, oot dittiaɗ!’ ” awa aum.

Hosea 13:7

Anam amunu, gemu da ag aqattaknu laion laa bia ahilagppa banelag uɗikkul. Ao, da lepad laa ib aɗa daatte bia hekkul.

Revelesen 13:2

Doɗ dakkuɗ anidmi ele amuam doɗ laa onig lepad bia; nug baeg amu bea baeg bia, amu nug oɗe amu laion oɗe bia. Mat naɗinab amu nug nuhig ɠagattag doɗ dakkuɗ amu metta, nug nuhig sia king ele metta, amu nug gumaknu ehah okkainab ele mettom.