Daniel 7:26 - Nobonob Baibel

²⁶ Amge haen amu iitta meeb, laa epeɗiak amu hekkulagnu daatteb ag hettoɗiaknu balalppa daanna, ag king amunu ɠagattag oh aɗidna aon, ag heppeg, nug nauha autanab awa, padal mekku. Nug padal meeb, anamib hanhan daakku.

Daniel 7:26 ပူးပေါင်းရင်းမြစ်များ

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.

Daniel 7:22

Nug anam eɗattette ukke, Kayak Hanhan Daatte, Nug Kayak Attannab Laa Oh Eɗattak, Nug uɗia, nuhikkud danab ah oppiaawak ele ag qeqeɗi amu eɗidkkulagnu a, haen ag ahilag gumaknu uɗat aon, wan gumaglagnu be, ag gumak uɗat amu digmeppig.

2 Tesalonaika 2:8

Haen amuppa ɗo ii dim lamittak danab nug miag atieb, dimppa Naɗi Jesus, Nug geha Nug oɗeppa ouɗi iwaleb, qeeb mauhkku. Yo, Naɗi Nug nuhig amahlak naɗi ele uɗia, miag atia, amahlak amuppaib Nug ɗo tappe nak danab amu heeb nauhkku.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.