Daniel 7:23 - Nobonob Baibel

²³ Da ool anam daye, oɗ mettai, laa da amunu oɗ mettai, nug meu inam mehuqe doomi. “Doɗ ebqak waɗele amu, doɗ amuam ɗo maɗoɗ laa wan atu gumaglag ippunigtte. Ɗo maɗoɗ amunu danab ah ag am laanab hekkulag. Ag ɗo maɗoɗ laala ahaglag bia ii daamna. Ag am wan atu ohnab aoppeg, ag eppelagppa daappeg, tappaladnana, oɗoɗadkkulag.

Daniel 7:23 ပူးပေါင်းရင်းမြစ်များ

Daniel 2:40

Aria, amu dimugppa ɗo maɗoɗ laa aha, wan atu gumadkku. Ɗo maɗoɗ amuam dottog laih aenppa hak, am amubia daakku. Aen am ɠagattagnab, keeke laa oh he nauhtte; am ɗo maɗoɗ amunu danab ag amubia daan hekkulag. Aen keeke laa oh he nauhtte, amubia ɗo maɗoɗ amun danab ag wanppan wan laa oh heppeg nauhkkulag.

Daniel 7:22

Nug anam eɗattette ukke, Kayak Hanhan Daatte, Nug Kayak Attannab Laa Oh Eɗattak, Nug uɗia, nuhikkud danab ah oppiaawak ele ag qeqeɗi amu eɗidkkulagnu a, haen ag ahilag gumaknu uɗat aon, wan gumaglagnu be, ag gumak uɗat amu digmeppig.

Daniel 7:24

Qeqeɗi eblaih laih ele ag am ɗo maɗoɗ laa amu wan atu gumakku amu, ag am ɗo maɗoɗ amunu danab ah dilag king. Am king amu oh ahan malappeppeg, king laippu laa nug ele ahakku. Nug laa daappig bia ii daama. Iitta! Nug am laa daakku. Nug heeb, king ewam ag nug waappa daaglag.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Luk 2:1

Amu Elisabet nug Layattak Jon menue, haen amu nakok dimppa Kwirinius nug Siria dilag gawana dayeye amu, Sisar Ogastus nug Rom danab oh onilkad bukppa yaalattak daaglagnu ɗo meum. Imuam haen anuqak ag onilag yaak uɗat amu heppig.