Daniel 7:2 - Nobonob Baibel

² Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.

Daniel 7:2 ပူးပေါင်းရင်းမြစ်များ

Aisaia 17:12

O gadonnab gadon! Wan laala ohppan ban hak danab ag ⌊ig iqaglagnu⌋ uɗippeppeg, oqotti naɗi okku. Oqotti amuam yu duban huanaknab oqotti otte, amubia daakku. Ao, O gadonnab gadon. Danab wan laala ohnu uɗippeppeg, oqotti huanaknab ahakku. Oqotti amuam le okkai okkainab oqotti ahatte, oqotti am amubia daakku.

Jeremaia 49:36

Ulah aben ohppa uɗitteb, amuam yawalti, kaɗag, yau, am qaban ele. Ulah amu oh aben ohppa uɗin, keeke uug iitta ele aon, laih gotteb, amubia da heppi, kekeɗ ag uɗin, Elam eɗadna heppeg, Elam danab ah ag wanppan wan ohppa matatun gona daaglag. Ge, Elam danab ah ag diia ukka laih me dayak danab ah wanppan wan ohppanab daaglag. Wan laippu laa ii eɗidmana.

Jeremaia 51:42

Babilon dilag kekeɗ ag yu titiɗa ba, wan tonatte bia, ag amubia Babilon tonaglag. Ao, yu koɗkoɗ huana qe, wan tonatte, kekeɗ ag amubia Babilon wan tonaglag.

Daniel 11:4

Amge nug aha, king ɠagattag anam dayeb ukkeb mauheb, wan oh nug gumakku ele amu obatak dayeb, laala ag gumaglag. Wan amu maha laa am wan yau uɗitteppanu daakku, maha laa am wan Yawalti uɗitteppanu daakku, maha laa am wan kaɗag uɗitteppanu daakku, amu laa am wan qaban uɗitteppanu daakku. Danab waɗele ag wan waɗele amu gumaglag amu, ag laa king daya mauhom ele, ag nug bekkod iitta. Ag danab laa. Amu wan anen anen ag ɠagattagnab, king naɗi ii mauhom haenppa, wan laippu ɠagattagnab dayom, amubia ii daama. Aɗinu? Wan laippu amu obatak waɗele beeb, okkai waɗele laa ag gumaglag.

Daniel 2:19

Daniel amelagppa anam mattia male, tuqan Kayak he, Daniel nug kingnu tul niiak amu tuleglegppa anttom. Nug antta aha, nug Kayak, hab attan daatte, nug Nug binag meum.

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Daniel 8:8

Meeme dawai nug anam he, sipsip dawai nug nauha daye, meeme dawai nug onig, ɠagattag okkai ele awa oiyom. Nug anam oiyom, amge nug ɠagattag, onig ele okkainab maama, gogppa te, laa he, qeqeɗi amu qiiom. Qeqeɗi amu qiie, aben qeqeɗi dayomppa amu qeqeɗi waɗele aakku beppig. Qeqeɗi amu ag elab mena, tutukku qappak ii daappig. Iitta. Ag kalin laih laih gona daappig. Laa kalia yawalti uɗitteppanu daye, laa kalia kaɗag uɗitteppanu daye, laa kalia yau uɗitteppanu daye, laa kalia qaban uɗitteppanu dayom.

Sekaraia 6:5

Da oɗ mettai, nug da amelppa aum. “Imuam hab aabppanu ouɗi waɗele. Ag Naɗi, Nug wan atu ohppanu Naɗi amu, ag Nug noobppa daatteb. Ag ahan, nuhig uɗat hekkulagnu gotteb.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Revelesen 17:15

Nug anam awowa, engel amu nug baula da amelppa aum. “Na le kuɗum, gappai ah nug amu qaɗelagppa dayeye anidme ele amu, le amuam danab ah beɗulag iɗu iɗu ohppanu, huu ohppanu, wanppan wan ohppanu, amu nai ohppanu ele ippunigtte.

Revelesen 7:1

Da keeke amu anttoya, da engel waɗele laa, ag wan daug laih laih waɗele amuppa hippaidna, ulah waɗele ippulag aben abenppa uɗippeg, yuppa ulah daamanu, wanppa ulah daamanu, ad amu keeke laala oh ulah aomnanu, ag ulah ippulag oh oo neppig ele anidmi.