Daniel 7:16 - Nobonob Baibel

¹⁶ Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Daniel 7:16 ပူးပေါင်းရင်းမြစ်များ

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Daniel 7:17

“Doɗ waɗele am wan imuppan ɗo maɗoɗ waɗele, ag bena, anen anen wan okkainab gumaglag ippunigtteb.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Daniel 9:22

Nug uɗia, dabmak meɗaɗa, da amelppa aum. “Daniel, da doyak dabmak ele, diignu doyak tutukku ele medakkulnu uɗimi.

Sekaraia 1:19

Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Sekaraia 2:3

Aria, engel da amelppa nai mattiom amu, nug uuiɗa ugekke, engel laa uɗia, nug uɗa te,

Sekaraia 3:7

“Yawe Nukka Ɠagattag Oh Ele Nug inam atte. Na dahil ib, ɗo dahil ele dim lamidkkut dayeb, da Yawe, da heppi, na dahil lag, dahil lagnu haɗap ele gumakkut. Amu da heppi, na ⌊engel⌋ imu hippaidna daatteb oolagppa uɗin daakkut.

Revelesen 5:5

Anam gaaiyi, ikki danab laa nug da amelppa aum. “Na aib gaame! Antte! Danab laa, ɠagattag nuhig am laion bia, Nug Juda danab, Dawit buɗubppanu, Nug ban eɗittom amunu, Nug buk itoɗiak qataqak eblaih aɗit ele amu, Nug amu tola matulkkunu elele,” awa aum.