Daniel 7:1 - Nobonob Baibel

¹ ⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.

Daniel 7:1 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 46:2

Aria, tuqan tuleglegppa Kayak Nug Jakop amegppa, “Jakop, Jakop,” awa aum. Nug anam a, Jakop nug aum. “Da ina; aɗitai, appe dookkul,” awa aum.

Job 4:13

Tuqan danab huana niitteb haenppa, haen amuppa da tul niimi. Da tul niimi, amge tul niiak amuppa da oolppa maɗoɗ ii doyeye,

Aisaia 30:8

Yawe Nug da ⌊nuhig nai Juda dilagnu⌋ yaappi dayebeb, gemu, hanhan ele nai amuam Yawenu dabmak ippunattatta daakkunu da amelppa aum. “Na ahan, uɗugppa ye! Ao, na buk itoɗiakppa ye!” awa aum.

Aisaia 8:1

Am Yawe Nug da amelppa inam aum. “Na yaaknu buk itoɗiak ele okkai laa aon, na pen laa, danab oh ag pen amubiappa haen oh nai yaatteb ele amu, na amu ele aon, amuppa na pepa qaɗeppa nai imu yaakkut, ‘Maher Salal Has Baz.’

Jeremaia 23:28

Propet aun laa nug tul niia, nug tul niiak amuam dahilppanu uɗiom ii dookku dayeb amu, nug, ‘Tul niiak imuam dahil tul niiak,’ aakkuib akkuoitte, amge propet aun laa nug dahil nai doyom dayeb amu, nug tutukku, genabnab mehuqaɗ! Wit gumu am keeke hamu, wit aeg am keeke enanag, amubia.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Jeremaia 36:32

Yawe anam a, Jeremaia nug nai amu doyom amunu, nug buk itoɗiak ele laa awa, Neria bekka Baruk, nug am yaak danab, nug mette awe, Jeremaia nug nai mattieye, aakku nug bukppa yom. Buk itoɗiak laa tatamnu, buk amuppa nai oh daye, Juda dilag king Jehoiakim aab aɗuppa mane ewom ele amu, nug nai amu oh buk imuppa eɗua yom. Nug amu ye, Jeremaia nug nai laa amubia kuɗum laa ele tuɗitta a ne, nug amu ele yom.

Jeremaia 36:4

Yawe Nug Jeremaia amegppa anam aum amunu, Jeremaia nug Neria bekka Baruk onigppa e uɗia dayeye, Yawe Nug nai oh Jeremaia amegppa mattiom amu, Jeremaia nug nai amu Baruk amegppa mattieye, Baruk nug buk itoɗiakppa yom.

Esekiel 1:1

Jehoiakin nug Juda dilag king daya, eheɗ he, Babilon dilag king Nebukatnesar, nuhikkud daup ele ag gona, Juda eɗadna, Nebukatnesar nug Jehoiakin awa, nug awa ukka laih me dayak danab daakkunu Babilon uɗie dayeye, maɗ waɗele uue, maɗ tanig elenu kalam tanig eleppa Kayak Nug digma, tulegleg imu Esekiel ippunitte anttom. Esekiel nug am Busi bekka, Nug am mana mettak danab. Am nug Babilon wanppa le Kebar daugppa dayeye, Kayak Nug he, nug tulegleg antta, Yawenu nai doyom. Appa Yawe Nug Esekiel, uɗat nuhig hekkunu aɗom. Amunu nai imuam Propet Esekielnu nai. Da Esekiel, da maɗ 30 ele daye, maɗ amuppa kalam waɗele, deɗ tanig eleppa da kekeɗ heeg, Israel danab ah ag Babilon wanppa le Kebar daugppa diia ukka laih me dayak danab ah daappig, da ag oolagppa daaiyi, Kayak hab matule, da digmein, tulegleg laala Kayak ippuniɗeɗe anadmi.

Esekiel 40:2

Kayak he, da tuleglegppa Israel wanppa ukkai, Kayak Nug da qauko attannab, appa meiɗom. Qauko amu laih, laih amuam yau uɗitteppanu daatte amu, appa lag laala, aab okkai bia daaegeg anidmi.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Daniel 2:1

Aria Nebukatnesar king abenab awe, maɗ laippu uue, maɗ aɗit ooppa Nebukatnesar nug tul niiom. Nug tul niia, aha, dabmak huanaknab awa, eɗua niikkunu elele iitta.

Daniel 2:26

Ariok nug king amegppa anam a, king eɗua, Daniel, onig laa Beltesasar, nug nug oɗ mettom. “Na da aɗi tul niimi, tul amunu meu ele appe dookkulnu elelete?” awa oɗ mettom.

Daniel 4:13

Da abenppa niieye, tuleglegppa keeke digdig anidmi, amu andette, da neekki ukke, da noolppa nai awa ukkak danab laa, nug Kayaknu oppiaawak ele, nug hab attannu neum anidmi.

Daniel 4:5

Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 5:1

⌊Nebukatnesar mauhe ukke, dimppa⌋ Babilon dilag king onig Belsasar nug danab okkai nuhikkud 1,000 dilag hobul naɗi he daan, ee laegeg, Belsasar nug ag ele wain lappig.

Daniel 5:22

O Belsasar, na Nebukatnesar buɗub, na nuhigppa anam beum doome, amge na nakka, na onin ii qee neum, gemu ele ii hettem.

Daniel 5:30

Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Daniel 8:1

Amu King Belsasar nug king abenab awa, nuhig king dayaknu maɗ ewamppa da, Daniel, da tulegleg laa anidmi. Tulegleg tatam anidmi, amuam laa, imuam laa.

Joel 2:28

Yawe Nug atte. “Amu dimppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Habakuk 2:2

Da anam ai, Yawe Nug da oɗelppa awa, da amelppa inam aum. “Da keeke laa ippunidppi, na miagib ye! Ao, laa nug amu awa ukka, laa amelagppa ebqeeb dooglagnu na miag atiak ye!

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Rom 15:4

Danab ag Kayak nai yaappig amu, ig nai amu ebqetata, ig ippunittak aognignu yaappig. Ig Kayak aɗi keeke ena megakkunu aumnu dabmak aɗat daagnignu, ig nai amu ebqetata, ig oo maɗoɗ ele dayak kobol anidta doot, ig Kayak tuɗidta dim lamidkkunignu oonigppa ɠagattag qak ele aottem.

2 Korint 12:1

⌊Korint danab, ag beɗulagppa⌋ da dakka da danab nug nukka onig humak hette bia hekkulnunab daatte. Genab, onig humak kobol am ig ii ehanigtte, amge da tuleglegppa keeke lokkumak laala, Naɗi Nug da amelppa miag atiom amu, da amunu ele madikkulnu iikku hettem.

Revelesen 1:19

Amunu keeke na anidme, keeke gemu daatteb, amu keeke aɗi dimppa bekkulagnu ele amu oh buk itoɗiakppa ye!

Revelesen 10:4

Amu haen hakkaɗ eblaih aɗit ele amu ag nai madippig amu, nai ag appig amu da yaakkulnu hemi, amge hab aabnu baag laa hakkaɗ eblaih aɗit nai madippignu amu inam a doomi. “Na hakkaɗ eblaih aɗit ele nai madippig amunu amu, na dabmakppaib aɗe! Aib yaame!” awa aum.