Daniel 6:8 - Nobonob Baibel

⁸ Amunu O king, ⌊na ihinig dabmak imu ena anidttem dayeb⌋ na appe, laa nug ɗo amu yeeb, na onin amuppa yaappe, nai amu baɗ! Amu ɗo amu anam beeb, Midia danab, Persia danab ele dilag ɗo atte, amubia laa nug ɗo amu baolikkunu elele iitta; aakku daatte,” aon appig.

Daniel 6:8 ပူးပေါင်းရင်းမြစ်များ

Esta 1:19

Anam aakku bekku amunu, O king, na ena dookkut dayeb, na hak amunu ɗo laa mekkut. Anam dayeb, ɗo amuam Persia, Midia ele dilah ɗo nai aakku daakku. Persia, Midia dilag ɗo amu baoliaknu iinab daama. Ɗo amu ba heeb, Kuin Wasti nug baula na, King Ekserksis, nug na anidkkunu elele iitta dayeb, na kuin laa, nuhig hak Wastinu eɗittak, hak ena ele otikkut.

Esta 3:12

King nug anam aum amunu, kalam digmaknu deɗ 13ppa Haman nug kingnu nai yaak danab onilagppa e uɗieg, nug ag amelagppa aɗi nai gumak danab anuqaknab, amu prowinsnu gawana, amu prowinsnu anuqak danab ele dilagnu yaaglagnunab a, amu ag aakku ahilkad yaaknu kobolppa, amu ahilkad nai aben abenppa nai yaappig. Ag anam yaaeg, nug uɗug amu ohppa King Ekserksis onig ya, nug king doyaknu at ringppa daatte, amuppa kingnu at pepa amuppa qataqattom.

Esta 8:10

Mordekai nug ɗo nai amu King Ekserksis onigppa yowa, nug nai yaak amuppa king nuhig doyaknu at ringppa daatte, amuppa qataqattom. Nug nai yaak uɗug amu danab pahanab oitteb ele, danab amu matte, ag akkan goppig. Nai awa ukkak danab amu ag kingnu hos ena ena, qaiqaɗnab gotteb ele tiilagppan uɗiak, danab hos amuppa daan, nai aon gotteb ele he goppig.

Esta 8:3

Amu dimppa, Esta nug baula king amegppa nai mattiaya, nug king baegppa dup noa, gayaya, oo doyak ele king unuqitta, nug amegppa, Hamannu nau hak, Juda dilagppa hekkunu maittom, amu ii bemanu oɗ mettom. Haman nug am Agag buɗuppan.

Esta 8:8

Amge ɗo nai king onigppa yaak daatte, nuhig doyaknu at ringppa daatteppanu mak ele amuppa daatte amu, ɗo nai amuam heeb iitta mekkunu ib laa iitta. Anam daatte amunu, aa aɗi nai Hamannu dabmak Juda bemanu yaaglahnu dabmekkulah amu, aa nai amu ɗoppa yoya, aa da, king, aa dahil doyaknu at ringppa daatteppa yaak amuppa at mewoya, aa nai amu da onilppa mepeɗ ukkaɗ!” awa aum.

Sam 94:21

Gumak danab nau ag genab tutukku hak danab hadappeg nauhkkulagnu, ag oohona daatteb. Ao, ag danab eheɗ laa ii heppig mauhkkulagnu atteb.

Aisaia 10:1

⌊Danab okkai⌋ ag ɗo nau qabatteb ele amu, ahilagnu gadonnab gadon. Ao, laa ag ɗo laala, ɗo amuppa ag danab ah laa eheɗ hadatteb amu, laa ag ɗo anam bappaidna metteb ele, ahilagnu am gadonnab gadon.

Daniel 5:28

Peresnu meu am, obatak. Kayak Nug heeb, nahip ɗo maɗoɗ, na ele gamalahppa obatak dayeb, na okkai ii daappe, Midia danab, Persia danab ele ag aon gumaglag,” awa aum.

Daniel 6:12

Ag anam nug anidppig amunu, ag eɗun, king toppa gona, ɗo nug he ye, onig meumnu nug amegppa appig. “O king, na ɗo laa, danab ah oh ag nai amu dim lamidkkulagnu inam iite bappaidme. Danab o ah auntai laa nug kayak laa, o danab laa aɗi keeke laanu ii unuqidma; ukkeb deɗ 30 uueb, danab ah ag eɗun, ahilkad kayak, ag lailkad ele keekenu gemu unuqadtteb bia tuɗidna hekkulag. Ag ahilkad kayak, ag lailkad ele, ag deɗ 30 amu ii unuqidmana, amge laippu ag nug unuqidkkulagnu elele; amuam na aakkuib. Amu danab laa nug kayak laa, o danab laa unuqidkku dayeb amu, nahipad daup ag buɗippeg, moɗ okkai laion daattebppa nokku. Na nai amu iite bappaidme?” Ag anam aeg, king nug nob ma, ag amelagppa aum. “Am genab, ɗo amu da aakku bappaidmi daatte. Midia danab, Persia danab ele dilag ɗo atte, amubia laa nug ɗo amu baolikkunu elele iitta; aakku daatte,” awa aum.

Daniel 6:15

Nug anam he, uudo, danab okkai amu ag ameg laippu daan, ag eɗun king toppa gona, nug amegppa appig. “O king, na doottem, Midia danab, Persia danab ele dilag ɗoppa ɗo laa king nug he, laa ye, king onig amuppa yaatte amu, laa nug heeb, baolikkunu elele iitta; aakku daatte,” aon appig.

Matyu 24:35

Hab wan ele am iitta mekkulah, amge nai dahil am iitta iinab mema.