Daniel 6:5 - Nobonob Baibel

⁵ Danab amu ag anam beɗu mak daanna, Daniel uɗatppa eheɗ laa ii heum anidna, ag akka akka appig. “Ig Daniel uɗat heebeb, aɗi eheɗ laa anidta, king amegppa akkunignu am ii anidmata. Ib laippu aakkuib daatte. Amuam nug nuhig Kayaknu ɗo pehettak dim lamidtte amunu, ig nug amuppa eheɗ laa heeb anidkkunigtai,” aon appig.

Daniel 6:5 ပူးပေါင်းရင်းမြစ်များ

Esta 3:8

Anam daye amu, Haman nug King Ekserksis gumitta ukka aum. “Danab ah diig laa ag nahip ɗo waappa prowins ohppa daatteb. Ag ahilag ɗo am aabaab laa ele laippu iitta. Ag king nug ɗo mette, amge ag dim lamittaknu uutteb amunu, king nug ag uuatteb daaglagnu am ena iitta.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.

Jeremaia 29:7

Da hei, ag Babilon appa diia ukka laih me dayak danab ah daatteb, amu ag appa aab okkai attenppa daatteb amu, ag aab amu maɗoɗ, keeke kuɗum ele daakkunu uɗat heig! Ag da, Yawe, ag da aab amu ehanidppi, ena daakkunu unuqiɗeg! Aɗinu? Aab amu ena, elele daakku dayeb, ag ele ena, elele daaglag,” awa atte.

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

1 Samuel 29:3

Ag anam tappa ukkak laippuppa gonana, Pilistia dilag okkai ag Dawit anidna, nuhig huu ele anadna, ag Akis oɗ mettan appig. “Hibru ameg imuam aɗinu ag ig ele ippa daattem?” aon appig. Ag anam aeg, Akis nug nob ma amelagppa aum. “Nug am Dawit. Danab amu nug anukka Saul, Israel dilag king, nuhig ban daup ikki laa dayom. Amge nug Saul uuitta, nug uɗie, da ele maɗ laippu kalam laala ele anam daamuɗ. Nug uɗie, ii aakku daauɗ uɗiom, haen amu ohppa da nug anidmi, am nug eheɗ nakok laa ii heum.” Akis nug anam aum.