Daniel 6:4 - Nobonob Baibel

⁴ King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Daniel 6:4 ပူးပေါင်းရင်းမြစ်များ

Genesis 41:38

Ag anam doon amu, Paro nug nuhikkud danab amelagppa aum. “Ig danab laa nug Kayak Ouɗi ele imubia ii anidmata. Laa ippa ii daatte,” awa aum.

Genesis 43:18

Ukke, ag baɗan, akka akka nai madippig. “Anukka ag silwa men doɗo ihinig eɗun, ihinig bekppa inaeg aot gomut, diig amunu ag omaikkeg uɗimut. Ippa ag oigna, donki ihinig aona heppeg, ig begbeg maɗi nid daagnig,” aon appig.

Prowerb 29:27

Genab tutukku hak danab ag hambuppuak danab dilag ⌊kobolnu⌋ oolagppa uuaknab dootteb; nau hak danab ag genab tutukku hak danab dilag ⌊kobolnu⌋ oolagppa uuaknab dootteb.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 18:23

O Yawe, na ahilag maittak, ag heppeg mauhkkulnu dabmetteb ele amu, na amu doottem. Na doottem amunu, na ahilag hipunin ii uhuqna mattamnanu, na ahilag hipunin na noomppa daan, ii iitta memananu da na oɗ medattem. Na ahilag haknu oo nauhak doonna, na heppe, ag nena qena, padal mena autna aoglagnu oɗ medattem,” awa unuqittom.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 29:7

Da hei, ag Babilon appa diia ukka laih me dayak danab ah daatteb, amu ag appa aab okkai attenppa daatteb amu, ag aab amu maɗoɗ, keeke kuɗum ele daakkunu uɗat heig! Ag da, Yawe, ag da aab amu ehanidppi, ena daakkunu unuqiɗeg! Aɗinu? Aab amu ena, elele daakku dayeb, ag ele ena, elele daaglag,” awa atte.

Daniel 3:8

Anam daye, Babilon dilag doyak danab laala ag Juda danab uug mattaglagnu ib aakku anidppig.

Daniel 5:12

Danab amuam onig Daniel, amge king nug onig ataɗa, Beltesasar aum. Da danab amu, nuhignu ami, amubia nug dabmak pehettak ele, nug doyak ele, nug diignu doyak tutukku ele. Amge amuib iitta. Iitta. Nug laa tul niiom amu, nug tul niiak amunu meu mehuqkkunu elele. Nug nai meunabnu diig, nai meu uug elenu diig ele, nug nai amu oh diig mehuqeb, laa dookkunu elele. Amunu na Daniel onigppa eppe uɗiowa, nug nai eppeg laa yom umu, nug nai amunu meu mehuqeb dookkut,” awa aum.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Matyu 26:4

Qagmena ag ib attemuppa Jesus lokkumakppa aɗan, qeppeg mauhkkunu hettoɗina nai madippig.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

Luk 20:20

Aria mana mettak danab okkai amu ɗo mehuqak danab ele ag Jesus meidnana daanna heeg, ameg qakkak danab laala ag ahan Jesus gumidna goppig. Ag gona, Nug noobppa danab tutukku bia henan daappig, amge ag nuhig nai mattiak amuppa, ag ib laa anidna, aon gabmannu hettoɗiak eppegppa mekkulagnu heppig.

Luk 20:26

Ag heppeg, ɗo danab ag aɗaglagnu heppig, amge elele iitta. Nug danab ah noolagppa amu, Nug nai laa ii ettom. Nuhig nai amu ahilag ameg qakkak nai eɗittom amunu, ag ottaina dabmak kuɗum aona, nai laa ii madippig.

Luk 22:2

mana mettak danab okkai, ɗo mehuqak danab ele ag danab ah baɗadna appig. “Ig attem heta, Jesus qepput mauhkku,” aon madippig.

Jon 19:4

Ag anam heeg amu, Pailat eɗua dimittim doa, amelagppa aum. “Antteg, da nug beɗuppa ɗo tippalak laa ii anidmi amunu, ag amu dooglagnu omalppi, ahilagppa dimittim dokkunu hettem,” awa aum.

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.

Ikki Danab 14:4

Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

1 Samuel 12:4

Samuel nug anam a, danab ah ag appig. “Iitta! Na hambuppuak kobolppa ihinig keeke laa ii aome; na gumaknu ɠagattag nahip, na amuppa he, ig laa ii nauhmut. Na ihinig keeke yab kobol biappa laa ii aome,” aon appig.

1 Samuel 18:14

Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 22:14

King Saul nug anam a amu, Ahimelek nug nai nob ma amegppa aum. “Nahipad maɗi nid oh ag nahipib dabmena oo metta ii uuak kobol dim lamidtteb, amge Dawit nug amu ha auta autanab aotte. Nug am na tanap, nug danab ag na gumidtteb ele amu, nug am amu dilag okkai. Laa ele, danab ah oh na lautppa daatteb, ag nuhignu ena elelenab dootteb.