Daniel 6:27 - Nobonob Baibel

²⁷ Nug danab ehanatte, ag qagaiettakppa ii daatteb. Nug ehanatte, ag padal ii metteb, Nug habppa, wanppa ele uɗat naɗi, Nug heumnu at daatte amu uɗat ɠagattagnab ele hette. Nug Daniel ehanitte, qagaiettakkppa ii dayeye, laion ag nuhignu eheɗ laa ii heppig,” awa yom.

Daniel 6:27 ပူးပေါင်းရင်းမြစ်များ

Job 36:15

Laa Kayaknu daug batak dooglagnu uutteb ele, ag anam mauhtteb, amge laa ag akka ag onilag qeeg ne oitteb amu, ag guittak doyegeg, Kayak he, ehanittak aotteb. Ao, Kayak Nug he, ag uug nau ahilagppa daan, ag doyak tutukku aotteb.

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Sam 18:48

Ge, Yawe Nug da dahil kekeɗ dilagppan ehaniɗe, da padal ii mettem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

Sam 18:50

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Amuam Nug da, Dawit, amu da buɗulad dilagppa hanhanib anam hekku.” Dawit nug anam aum.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 35:17

O Naɗi, ag anam hetteb, amu haen gane laa ele ukkeb, na anam neekkadnaib daappe, ag anam hekkulag? Haen gane laa ele ukkeb, na da ehaniɗkkut? Na danab ag da niɗaglagnu hetteb amu, na ag eppelagppan ehaniɗna awiɗkkutnu unuqidttem. Ao, ag am laion bau bia, na da atognoiɗppe ii mauhpanu oɗ medattem!

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Jon 4:48

Jesus Nug nug amegppa inam aum. “Da heppi, ag Kayak dabmettaknu kobol danab haknu elele iitta digdig ii anidkkulag amu, ag oolagppa genab iinab dooglag,” awa aum.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.