Daniel 6:2 - Nobonob Baibel

² Nug ag anam maatte daaeg, nug danab ewam, ag amu oh dilag okkai daaglagnu ele tituanatta, maatte daappig. Ewam oolagppan laa am Daniel. Danab ewam amu, ag danab okkai 120 laa ag eheɗ laa heppeg, king uug doomanu neekkadnana gumadppig.

Daniel 6:2 ပူးပေါင်းရင်းမြစ်များ

Esra 4:22

Na da attem imu hamu bia doon, butti aɗi, haen laa haknu aib dabmeppig. Iitta. Paha heig! Juda ag aab okkai amu bappaidna, akka wan atu amu oh guman daaglagnu dabmak okkai aon henana, da eheɗ heiɗna uug da meɗamnanu, ag anam heig!” King Artekserksis nug anam yom.

Esta 7:4

Aɗinu? Danab ah dahilad, amu da ele ig am danab ag iqaglagnu daden meigna eppelagppa meigppig daattem. Ig begbeg maɗi nid maɗi ah ele daagnignu aakkuib daden meiglob amu, da aɗitai laa ii alom. Keeke amuam keeke nakokib, laa nug king, keeke nakok amunu uug medakkunu am ena iitta. Am elele iitta amunu, am anam daalo amu, da aɗitai laa ii alom,” awa aum.

Prowerb 26:6

Na danab laa nug Kayak dab-ii-maama ii dim lamidtte ele, na nug nahip nai laa awa ukka, laa amegppa mattieb dookkunu eppegppa mekkut amu; kobol amuam na nakka baen laplap okkulatna, buɗiatppe gokkulah, o na le nau, danab qe mauhtte ele, na amu lakkut, na amubia hettem.

Prowerb 3:16

Doyak dabmak ena ele am ah laa nug keeke laa paniattaknu eppegppa aɗatte bia. Nug eppeg naɗiap-ppa amu, nug maɗ kuɗumnu bau dayak aɗatte; Ao, nug eppeg nanehppa amu, nug enub, binag ele aɗatte.

Daniel 5:16

Ag elele iitta, amge na tul niiaknu meu mehuqkkutnu, na keeke uug elenu diig ele mehuqkkutnu elele aeg doottem. Amu na nai eppeg laa gililppa yom amu ebqena, nuhig meu ele appe dookkul dayeb amu, da lamen perpel metten, baagppan sen golppa hak ele metten, da heppi, na Babilon gabman ooppa okkainab, da, laippu laa ele, i waantippaib daakkut. Laa oh ag na waatppa daaglag,” awa aum.

Daniel 5:29

Daniel nug Belsasar amegppa anam a, Belsasar nug haknunab a, ag lamen perpel aon, nug aɗuitteg no, ag sen golppa hak ele aon, baagppa palitteg, Belsasar nug Daniel Babilonnu gabman ooppa danab okkainab, gabmannu okkai aɗit aakkuib waantippa daakkunu a, Daniel nug Babilonnu gabman ooppa okkainab aakku dayom. Belsasar, laippu laa ele aa aya, Daniel waappa ii daapiɗ. Laa oh ag nug waappa daappig.

Daniel 5:7

King nug beɗu anam he, king nug emaɗ danab, doyak danab, eman danab ele ag uɗiglagnu onilagppa baag okkaippa e doeg, king nug aum. “Aun nug nai eppeg laa ba yom umu ebqa, nuhig meu ele ab dookkul amu, da lamen perpel ele metten, baagppan sen golppa hak ele metten, da heppi, nug Babilon gabman ooppa okkainab, da, laippu laa ele, nug i waantippaib daakku. Laa oh ag nug waappa daaglag,” awa aum.

Daniel 6:1

Amu Darius nug ɗo maɗoɗ gumom ele amu, nug wan amu obate, maha 120, prowins bia neeg, nug maha laippu anen anenppa danab okkai maatte daappig.

Matyu 18:23

Anam amunu Kayaknu ɗo maɗoɗ nug am king laa bia, nug nuhikkud maɗi nid nuhigppanu lon aoppig, ag anen anen lon amunu daden nob eɗuglagnu dabmak awom.

Luk 16:2

Anam aeg amu nug uɗat gumak danab nuhig onigppa e uɗie, amegppa aum. ‘Na keeke heme amu, nai amu da doomi amunu, na gona, dahil keeke oh na aɗattem amu uɗug laappa ye! Aɗinu? Na baula uɗat gumak danab daakkutnu am elele iitta,’ awa aum.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.