Daniel 5:30 - Nobonob Baibel

³⁰ Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Daniel 5:30 ပူးပေါင်းရင်းမြစ်များ

Aisaia 47:9

Uug pahanab, deɗ laippuppa, laippun ahilagppa bekku. Uug amuam laa ag uɗin, ah gamu heeg mauhe, bekkod ele aqaeg mauhtteb, diin ele gotteb, uug amubia ahilagppa bekku. Ag, Babilon, ag uug amu bemanu emaɗ hak digdig henan, baɗ mak uɗat ɠagattag digdig ele hekkulag, amge amuppa ag ehanittak ii aomna. Iitta. Uug amu anam ba, okkai elelenab ma tonadkku.

Jeremaia 50:24

O Babilon, da pelem meppi, na laippun, ii dabmettemppa tekkut. Babilon danab ah, ag da, Yawe, ag da ag banel uɗippig amunu, kekeɗ ag uɗin anadna diiglag.

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Jeremaia 51:31

Nai awa ukkak danab laa nug layag dim lamitta uɗieb, nug dimugppa laa ele uɗikku. Danab anam kuɗum uɗin, ban attem attem gotte Babilon dilag king amegppa appeg dookkunu uɗiglag, amge ag oh nai laippuib appeg dookku. Ag inam akkulag. “Kekeɗ ag Babilon aab eɗitteg, Babilon aab okkai oh ag eppelagppa daatte.

Jeremaia 51:39

Babilon ag laion enug qe hette bia daatteb amunu, ag anam aakku daappeg, da ee naɗi ahilagnu babaitten madappi, ag lanana, le ele huana lappeg, kaaka aqeb, eheɗ imanna, ag niinna, baula ii ahamna. Ag anam niiakib niiglag. Danab nug sipsip nag, o nug sipsip dawai okkai, o meeme diia, aqak abenppa gotte, amubia da Babilon danab ah diikkul.” Yawe Nug anam atte.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Amos 6:7

Anam amunu, kekeɗ ag ag tatam diin, aab laappa, appa ag diia ukka laih me dayak danab ah daaglagnu gona maadkkulag. Ag anam heppeg, ag baula hamu dayak, ee hobul okkai ele ii hemana.