Daniel 5:28 - Nobonob Baibel

²⁸ Peresnu meu am, obatak. Kayak Nug heeb, nahip ɗo maɗoɗ, na ele gamalahppa obatak dayeb, na okkai ii daappe, Midia danab, Persia danab ele ag aon gumaglag,” awa aum.

Daniel 5:28 ပူးပေါင်းရင်းမြစ်များ

2 Stori 36:23

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum. Nug anam aum amunu, ag Juda buɗub amu, ag oolagppa aun nug Jerusalem ukka, amu hekkunu dabmette ele amu, Yawe, nuhig Kayak, Nug ele daayya, nug ukkaɗ!” awa yom.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Jeremaia 25:13

Amu Yawe Nug atte. ‘Da heppi, aɗi nai laa Jeremaia oɗeppa wan amuppa uug bekkunu mattimi, amu wan laalappa ele nug oɗeppa uug bekkunu mattimi, nai amuam meu okku. Propet nai amu oh, Jeremaia mattiom amu, nai amu oh buk imuppa yaak niitte.

Jeremaia 51:28

Ge heppeg, Midia dilag king anen anen, Midia dilag gawana, amu ahilkad ehanittak anuqak danab oh ele, amu wan laa oh Midia waappa daan, Midia ehanadtteb, ahilag daup ele, ag oh Babilon gona, appa Babilon ele ban hekkulagnu babaitteg!

Daniel 2:32

Dottog amu ikki am gol ena dubuttid iitta eleppa hak. Momo, eppeg ele am silwa. Imuagppan ukka gateg batak am bras.

Daniel 2:39

Na dimunppa ɗo maɗoɗ laa am aha, wan atu gumadkku, amge amunu ɠagattag am na, nahip ɗo maɗoɗ ele, ahilah ɠagattag bia ii daamna. Iitta. ⌊Dottog laih silwappa hak am ɗo maɗoɗ amu ippunigtte.⌋ Aria ɗo maɗoɗ amu dimugppa amu ɗo maɗoɗ laa aha, wan atu gumadkku. Amuam dottog laih brasppa hak bia.

Daniel 5:31

Ag Belsasar qeeg mauhe, Midia danab okkai onig Darius, nug maɗ nuhig 62 ele, nug digma, Babilon dilag gumak danab dayom.

Daniel 6:28

Amu Daniel nug Darius king dayom haenppa, Sairus, Persia danab, nug king dayom haenppa ele, Daniel nug maɗoɗ ena eleib dayom.

Daniel 6:8

Amunu O king, ⌊na ihinig dabmak imu ena anidttem dayeb⌋ na appe, laa nug ɗo amu yeeb, na onin amuppa yaappe, nai amu baɗ! Amu ɗo amu anam beeb, Midia danab, Persia danab ele dilag ɗo atte, amubia laa nug ɗo amu baolikkunu elele iitta; aakku daatte,” aon appig.

Daniel 8:20

Sipsip dawai qeqeɗi aɗit ele na anidme amu, sipsip amuam Midia, Persia ele dilah ɗo maɗoɗ epponaknu keeke daatte.

Daniel 9:1

Ekserksis bekka Darius, nug Midia ted, nug laa heeg, Babilon dilag king aben awa ta daye, maɗ nug ta dayom,

Aposel 2:9

Ig amu Partia, Midia, Elam, amu Mesopotemia ele daattem. Ig Juda, Kapadosia, Pontus, amu Asia ele daattem.