Daniel 5:26 - Nobonob Baibel

²⁶ Nai amunu nai onig anen anennu meu am iikku. Menenu meu am, ebqak. Kayak Nug na Babilon gumakkutnu haen ebqa male, iitta meum.

Daniel 5:26 ပူးပေါင်းရင်းမြစ်များ

Job 14:14

Danab nug mauhowa, nug eɗua bau daakkute? Nug eɗua bau daakku dayeb amu, da haen nau dahilppa daakkunu daatte amu, da haen amu ohppa deɗ laa, da deɗ amuppa eɗuen, ena daakkul, da deɗ amuib ameg mekkulnu elele. Da dahil baoliak haen amu ameg mekkulnu elele.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Daniel 5:25

Nai eppeg yom am inam. Mene, mene, tekel, parsin ele.

Daniel 9:2

maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.

Aposel 15:18

Anukka Kayak Nug nai amu mattia aum, amu gemu ele Nug anamib atte.